El Campero (Barbate - Cádiz) por los Pululantes

Intentando escapar del feroz invierno de Mordor, elegimos las tierras del Sur para disfrutar una semana de vacaciones. Sol, playa, y por supuesto farturas que pasamos a relatar.

Lo primero que nos llamó la atención es que en Cádiz capital en la mayoría de bares, incluso en los restaurantes más "pijos",  tienen una carta especial (y muy variada) de tapas para comer en la barra. Son raciones más pequeñas que un plato principal o entrante pero de cantidad suficiente para cenar pidiendo 2 ó 3. Suelen estar a muy buen precio (unos 2,5€ cada una), con lo que siempre tienes la posibilidad de comer muy barato si vas en ese plan. Lo más curioso es que muchas de esas tapas de barra no te las sirven si estás sentado en la mesa o en la terraza.

Hoy toca contar la comida en El Campero, que es el restaurante que más fama tiene en la zona por ser especialista en el atún de Almadraba. Siguiendo la costumbre local tiene una zona de barra para tapear y detrás un amplio comedor con mesas. El comedor está muy bien puesto, se nota que es un sitio de cierto nivel.

Lo primero que llama la atención en la carta es cómo tienen diferenciadas las distintas partes del atún y las preparan de manera diferente según su textura o sabor.  Como no podía ser de otra manera, hicimos un monográfico de atún rojo.

Como aperitivo (detalle de la casa) nos trajeron una crema de gazpacho. Nos gustó mucho, incluso a mí, que el tomate natural no es lo mío :-).

De entrante nos lanzamos a por el tartar de atún. El producto por supuesto era excelente, aunque como tartar los hemos comido mejores, algo le faltaba en la maceración o no eligieron bien los aditivos y no terminó de convencernos.

Pero después vino el verdadero "festival": yo me lancé a por la Ventresca, que resultó un exquisito y tiernísimo trozo de lomo rojo a la plancha vuelta y vuelta. Una delicia, aunque...me faltaba por probar el morrillo que pidieron enfrente. Es una parte del atún casi tan tierna como la ventresca pero algo más grasa, por lo que hay que hacerla un poco más. De mano tiene un sabor un poco más intenso que la ventresca, pero tras un par de bocados resulta sublime y totalmente delicioso, mejor incluso que la ventresca. Se nos hace la boca agua sólo de recordarlo :-D.

Nos encantaron también los detalles que tuvieron al ponernos sal Maldon para poder salar estos manjares a nuestro gusto y el dejarnos una botella de buen AOVEen la mesa toda la cena.

Todo ello bien regado con un blanco de la zona, el "Entrechuelos", un Chardonnay que entraba muy bien, nos salió por 89 €. El atún mereció cada € pagado aquí. Sitio totalmente recomendado.

Manía WineGin (Llión)

Finando el prestosu fin de selmana en Llión (que nun lu dixe, pero ensin sabelo cayimos en les fiestes grandes de la ciudá y nun veáis que maraballu) la cabera nuechi fuimos cenar a la terracina del Manía WineGin, chigre que ta ente l'húmedu y la plaza Mayor.

Bar de copes y cocteles pola nuechi tienen una carta interesante de picoteo y tampoco tábemos a la gueta de munchu más, asina qu'acertemos. Xintá plenamente informal a la que contribuyó el camareru, que comu lu pille'l dueñu dura menos que un carambelu a la puerta'l colexu.

Como vos dixe, a pesar del barullu de Llión (podéis imaxinavos), la terracina taba afayaiza y la temperatura ideal pa cenar fuera.

Dos cosines pa picar, brocheta de bonitu y gamba con alioli, prestosa col bonitu xugosín, bien fechu (igual un plizcu más de lo que me presta a mí). La salsa de alioli yera abondo sele y nun mataba los tastos. Prestosa combinación.

L'otru platu el típicu de cecina de Llión con quesu y aove, nada que cocinen ellos, pero con productos que sí qu'escueyen. La cecina perbona, el quesu un poco menos, anque llixeramente mantegosu pa mecese bien cola cecina y nun matar el tastu de la mesma. 

El show particular del camareru/a (guardaré na intimidá el xéneru por si acasu) ya entamó na eleición de los platos (esi non que nun me convez, esti cenelu yo ayeri y ta coyonudu...), pero col vinu ya l'armemos, tuvimos chateando un Bitácora 2012 (nun pidimos una botella) y, como tábemos en plan folixa, perllí pasaron más de los pedíos, pero dellos más. Siguió col "enantes del café" nel que pola so cuenta y riesgu tráxonos un par de mojitos, un par de Legendarios con zumu naranxa y finemos con otru par de coses. La hora la cuenta con "un mirai ver si ta bien" con sorna, nel que nun venía nin la metá de lo consumio y nun por escaecimientu, (25€ en total pa que vos faigáis una idega de centru, terraza y fiestes). Vamos que pasémoslo bien y cenemos estupendamente. Bon sitiu pal tapeo informal, anque duldo que vuelva costar lo mesmo.

La Bienquerida (Llión)

Sí, ya sé que agora que vemos el sol (como Blade) nun nos alcordamos del xunu que pasemos de lluvia a morrer. Asina que, aprovechando la guardería infantil propuesta por los güelones pa que nos diéramos una escapadina, garremos el Puertu Payares y'n Llión que nos plantemos a facer turismu, xintar bien y beber meyor.

La Bienquerida ta nel cascu vieyu de Llión a dos pasos del Húmedu enfrente de una disco abondo conocida, faciendo esquina con dos cais peatonales. Chigre de día y copeteo de nuechi, tienen una terracina perbien puesta na cai más tranquila de les dos a les que da. Solín, calorín, bon vinu (Quinta Apolonia 2010), tratu profesional de la nuestra camarera (eso tan difícil de ser simpáticu ensin pasase de confiances y profesiona a la mesma vegada), la meyor de les compañíes, ¿qué más se pue pidir?, pues una bona xintá y, la verdá, cumplió, prestonos asgaya.

Tolo pidimos al centru la mesa. Entamemos con unos sushi de salmón, ricos, anque ya los tomara meyores estos taben bien fechos y prestaron munchu al aire llibre. La curiosidá de la salsa de soya llixeramente reapartía per riba del sushi (tamién te poníen el platín pa moyar más si queríes) y que los xinté a mano, porque veíame raru usando el cuchiellu y'l tenedor pa esto :-). 8 bonos trozos de ración pa entamar.

 Ensin priesa, pero ensin pausa, vamos, nel puntu xustu de tiempos, y mentantu apurábemos la botellina del hermanu pequeñu del Belondrade, llegó la sorpresa de la tarde, ¡que rico taba!. Carpachu de potru con escamines de fuá, pistachos y emulsión de AOVE con aceite pistachu. Buá! pero que rico!, nunca probare yo un carpachu tan bono. Esos toques que-y daba'l fuá y'l amestu d'aceites bonos, chaos nel platu en proporción adecuada para resaltar el tastu del carpachu y nun ocultalu, sorpresa perbona.

 La botellina de Quinta diba baxando, pero entovía y quedaba apurase col caberu platu, que tuvo perbonu. Un tataki d'atún colorao, con fideos chinos y crema d'ayu, al que y-poníen un platín de sal maldon a lláu por si queríes char un plizcu.

L'atún vuelta y vuelta pa da-y el doradin xusta per fuera y dexalu crudu per dientro. La cremina d'ayu un ali-oli persele, que facía bona compaña. Otru pltu pa esfrutar, bien rematáu con bon productu.
Unos caftinos con xelu y a esfrutar del día y'l sol.

De la cuentina fixeronse cargo los tiques restaurant, qu'esto de la crisis ye mui jodido, 60€ en total que me paecieron más que bien.

Llagar Trabanco (Llavandera - Xixón)

Dempués de tiempu ensin quedar pa cenar colos amigotes, que meyor que facelo a lo grande, ¿qué grande?, ¡a lo burru!, vamos a fartase, n'un sitiu nel que d'eso se trata. Asina que pa Trabanco fuimos los 5 fartones que pudimos xuntanos.

Trabanco ye la sidrería montada,fai milenta d'años, po'l qu'agora ye'l numberu un de producción de sidre d'Asturies (al menos de les naturales, vamos dexar al Gaiteru a un lláu, nun vaya ser). Ye dicir, fuimos fartanos a casa Dios (dígolo por dos coses, una por Samuel Trabanco y dos, pela midía asturiana perconocida de tiempu-distancia. Llavandera tará nel conceyu de Xixón, pero sigue tando'n casa Dios perdío nel monti, tanto, que terminé decidiendome a poner el GPS del movil a furrular dempués de dar vuelta na típica casería con perru y horru onde finaba'l primer camín qu'escoyí). La sidrería ye un espaciu único en maera, un salón pergrande con munches meses, la barra n'un lláu y la chimenen nel otru, más afayaízu de lo que parez. Amestu ente Asturies y Euskadi (onde parez qu'echen el raigañu los Trabanco) con meses corrides de maera, dellos platos más típicos d'Euskadi y, eso sí, ensin "txotx" d'eso.

Al tema, 5 fartones dispuestos a asaltar la banca del colesterol,  l'ácidu úricu y los triglicéridos (esto últimu sobre too los otros 4, que veníen en taxi dende Xixón) qu'entamaron colo sele, la tortiella de bacalláu. Nun taba mal, ya les prebé meyores, pa que nos vamos engañar, tenía delles partes seques y les más prestoses, les más xugosines yeren menos. Eso sí, nun quedaron nin los restos qu'había una fame del copón.

A la par pedimos un par de tortos de máiz, un de güevu y xamón y otru de pisto con quesu azul. Ricu y bien executáu el del xamón y'l güevu, nin finu, nin gordu, esponxosín, taba ricu. L'otru un poco más raru nel amestu d'ingredientes, que pegaben meyor de lo que pue paecer, pero ye que'l tortu de maíz yos-quedó tostáu. Otru platu correutu, rico, pero ensin entusiasmar, agora, les reaciones de paisanu toes.

Dempués llegaron tres chuletones de vaca(¡eh, nun seais mal pensaos!, qu'equí ponen claramente vaca na carta, nun güe). Estos sí que taben bordaos anque hubo pa tolos gustos, que son colores. A unos gusto-yos más el primer d'ellos porque taba menos fechu, a mi pol fechu si ye verdá que me convenció, pero gustome más el segundu anque lu pasaren un plizcu más, porque dieron-y meyor el puntín de sal. El terceru ya foi por gula y, en cualisquier casu, taben toos sobresaliente, bon productu ensin munches complicaciones pa facelu, to hai que lo dicir.

De compaña sidre, Trabanco, claro (intenté pidir d'otra marca, pero nun sé que pasaba que nun había, jeje) de la que cayó la caxa (otra midía asturiana, de cantidá nesti casu y referente mínimu de consumu sidreru) como nun podía ser d'otra manera. A la semeya de baxo, falten-y dos de la barra ;-)

Los afortunados "entaxistaos" entovía tuvieron tiempu de llargase dellos chupitos y GT's mentantu el más seriu de toos, o sea yo, intentaba mantener una charra centrada, cultural, educada... acompañau d'un café, misión imposible, como podéis imaxinavos ;-).

La cuenta 25€ por cabeza que ye lo xusto pa lo xintao y bebío.

Japonice (Palma - Mallorca - Illes Balears)

Segunda nucehi en Mallorca y tocaba prebar dalgo más sele y, como nos presta asgaya a los dos, la comida xaponesa, fuimos parar al Japonice (qu'amás almitíen tiques, asina que nun se podía pedir más)

Sitiu afayaízu nel que pa sentase chábase de menos delles meses a lo tatami (yo polo menos nun vi denguna), tratu profesional y ambiente relaxáu, nel que xintemos perbien.

Voi pedivos disculpes, pero el mío "****"móvil nun tien flash (y nun me digáis porqué) asina que n'un ambiente de poca lluz y relax, les semeyes salieron como salieron. Si les ponéis más grandes vense meyor los platos :-). Nun lu voi camudar, que vos veo venir, porque ye'l d'empresa y nun me corresponde a mí :-).

Pedimos un tres cosines pa compartir, un sashimi de gamba, atún colorao y salmón, xunto con un Goki d'atún colorao. Taba todo perbono y non, nun nos salió l'atún peles oreyes. Como ya sabéis el sashimi nun ye más que coses crudes perfresques porque si non nun habría quien les comer y el Goki ye como un sushi (arroz y atún endolcaos en alga nori), sólo que con munchu más atún, menos arroz y más grande.

Sorpresa perbnona la del segundu platu a compartir, wok de xata con sesamo, cebolla, brocoli,  zanahoria y arroz. Tremendamente xugoso, prestosu, too nel so puntu cocinao con soya. La carne cortao en trozos piquiñinos y too al wok. Realmente bono

De compaña esi famosu vino de CyL que ponen en tolos xaponeses d'España, Oroya 2012 que failo bien con esti tipu de comides.

Como tolos xaponeses de baratu tien lo xusto, o sea, ná porque fueron 36,5€ por cabeza, pero los tiques del puntu coloráu (como l'atún) fixeronse cargu de la comanda pa bientar de les cuentes del personal

17º (Palma - Mallorca - Illes Balears)

 Fin de selmana solos, solinos, solitarios ensin neños, ¡qué relax!, que gracies a los vuelos baratos qu'hai en Santander pudo ser en Mallorca. Había sol, sí, esa cosa mariella que'n dellos sitios hasta da calor y nun teníemos otru plan que pasear per Palma, esin más.


La muyer llevaba ya unos díes de trabayu perllí, asina que la primer zona pa xintar teníala claro, la cai de La Fábrica (que ye peatonal) onde'l día antes esfrutó d'un bona xintá con los collacios. N'esti casu camudemos de chigre, guiaos por el programa xeolocalizador pa teléfonos llistos que tienen agora los de los tiques, y caímos na terracina del 17º (sí, eses coses que ponen fuera de los chigres y restaurantes onde pues xintar al aire llibre..¿alcordaivos?)

Acertemos nel sitiu 100%, magar que nun yera un sitiu de comida más tradicional como nel que tuviera ella enantes. Sorpresa prestosa para una xintá informal. Atención agradable (entovía nun tabemos en temporada alta) y profesional, mantelinos individuales, bon día y más prestosa compañia, que vos voi dicir :-). Traxeronnos unes aceitunines perriques mentantu esperábemos por el primer platu pa compartir que foi un "salmón afumaúa enllenu de ensalada de bugre".

Ración estupenda, fresquina, bona marca de salmón y un conxuntu llográu con una salsa rosa sele d'aliñu para la ensalda que venía endolcada con salmón. Bon aniciu

El siguiente platu, foi redondu, "dados d'alcachofa con gambes y aceite de guindilla". Pese a lo que pudiere parecer, nun picaba, un llixeru tastiu al fondu, como debe ser. Riques les gambines acompañaben perbien a unes alcachofes en tempura que si nun yeren fresques (que lo parecíen) tienen que dame'l nome de la conserva.

La compaña de la comida tenía que ser mallorquina asina que carremos con un Margalida 2012 furmientáu en pipa que prestome asgaya. Ciertu amargor final resultón.

Dos cafetinos con Xelu y 27,5€ por cabeza de los que los tiques dieron bona cuenta

La Venta del Jamón - La Venta'l Xamón (Pruvia de Riba - Llanera)

La Venta'l Xamón ye un clásicu na cocina asturiana, polo menos nel centru. Un clásicu con toles lletres, nun espereis preparaciones minimalistes o conceutos novedosos. Ye un sitiu, nel que nunca fallen, basáu nel productu de calidá y la cocina tradicional.

¿Nun quies fallar con un veceru o una visita de fuera?, pues traeslos equí. Conozco a un famosu diputáu d'un país centroamericanu, que nun taba seguru de prebar les fabes porque claro, yeren "frijoles" como los d'ellos pero, ¡ay amigu!, creo que cuando soltó eso de "¡puta, esto no tiene nada que ver con nuestros frijoles!" ya se veía que la cosa diba bien.

Al casu, la cabera visita foi pa celebrar un cumpleaños na familia. Como siempre atención profesional y unos entamos de la casa sólo pa la espera (aceitunes, almendres y esta vegada choricín un plizcu picante). Sobre'l mantel la propusta del mes del menú del bugre que convenció a parte de los presentes y otros que preferimos tiranos a la carta.

De los entamos de la carta, como non, el xamón, siempre de gran calida, siempre perbien cortáu y cola compaña de unos panes tostaos con tomate y aceite por si te presta mecelo con ellos.

Hubo varios entamos toos ya del menu del bugre. El que más me prestó foi el de la tortiella de kikos y fuá gras. Ya nos platos principales, como non, el bugre a la plancha col meritu de tener un bona pieza y nun pasalu, los que lu prebaron dixeron que taba perbono.

Ya nos principales, pa mi carnona, sollombu de xata endolcáu en tocin, que ye un clásicu del sitiu. Un par de sollombos de bona calidá perbien fechos, nel puntu esi de los tres colorinos y cola compaña de un platin de pataquines frites de verdá con pimientos del padrón, que nesti casu foi que "non", vamos, que nun picaron pero prestaronme asgaya.

Otru platu diferente al menú que pasó pela mesa foi el pixín del que dixeron tamién que taba nel so puntu.

El vinín que pasó pela mesa foi el Murua Reserva 2010 que cumplión con tou'l mundiu. Nun m'entruguéis pol preciu, porque nun tengo nin idea que pa eso me convidaron, eso sí creo alcordame que'l menú del bugre andaba polos 25€. Como vos digo, un clásicu, de nun fallar y xintar bien.