martes, 23 de julio de 2013

Manía WineGin (Llión)



Finando el prestosu fin de selmana en Llión (que nun lu dixe, pero ensin sabelo cayimos en les fiestes grandes de la ciudá y nun veáis que maraballu) la cabera nuechi fuimos cenar a la terracina del Manía WineGin, chigre que ta ente l'húmedu y la plaza Mayor.

Bar de copes y cocteles pola nuechi tienen una carta interesante de picoteo y tampoco tábemos a la gueta de munchu más, asina qu'acertemos. Xintá plenamente informal a la que contribuyó el camareru, que comu lu pille'l dueñu dura menos que un carambelu a la puerta'l colexu.

Como vos dixe, a pesar del barullu de Llión (podéis imaxinavos), la terracina taba afayaiza y la temperatura ideal pa cenar fuera.

Dos cosines pa picar, brocheta de bonitu y gamba con alioli, prestosa col bonitu xugosín, bien fechu (igual un plizcu más de lo que me presta a mí). La salsa de alioli yera abondo sele y nun mataba los tastos. Prestosa combinación.

L'otru platu el típicu de cecina de Llión con quesu y aove, nada que cocinen ellos, pero con productos que sí qu'escueyen. La cecina perbona, el quesu un poco menos, anque llixeramente mantegosu pa mecese bien cola cecina y nun matar el tastu de la mesma. 

El show particular del camareru/a (guardaré na intimidá el xéneru por si acasu) ya entamó na eleición de los platos (esi non que nun me convez, esti cenelu yo ayeri y ta coyonudu...), pero col vinu ya l'armemos, tuvimos chateando un Bitácora 2012 (nun pidimos una botella) y, como tábemos en plan folixa, perllí pasaron más de los pedíos, pero dellos más. Siguió col "enantes del café" nel que pola so cuenta y riesgu tráxonos un par de mojitos, un par de Legendarios con zumu naranxa y finemos con otru par de coses. La hora la cuenta con "un mirai ver si ta bien" con sorna, nel que nun venía nin la metá de lo consumio y nun por escaecimientu, (25€ en total pa que vos faigáis una idega de centru, terraza y fiestes). Vamos que pasémoslo bien y cenemos estupendamente. Bon sitiu pal tapeo informal, anque duldo que vuelva costar lo mesmo.



4 comentarios:

Jorge Díez dijo...

Rediós, la folixa fue pero esa idea de servicio... Sin conocerte, claro, no digo nada si ya hay confianza y algún motivo, pero así en frío... :-/

Fartones dijo...

Dígotelo yo, nin!,ta claro que nos vió mui de güevu al llegar, pero bono, resultó bien. Otru día alcuentreste con un/a asina y quedes flaseáu :-)

Toni dijo...

Claro. Seguro qu'el dueñu paga-y una mierda por media xorná, 12 hores, y lu jode asi. :-)


Fartones dijo...

De xuru, nin, pero a mi que me quiten los mecíos esos que nos punxo :-)