Nun tolos años llega'l añu nel que tase mas cerca de los 40 que de los 30 y anque eso nun ye mas que una excusa, teniemos de dir a esfrutar d'una cenina prestosa y lliberanos una nuechi de les obligaciones de pas, que presten un güevu, pero cansen el otru. El casu ye que nos llanzamos y pa'l Corral que fuimos, otra vegada mas. D'esta cenamos na parte que ya da pala terracina, que deben abrila namas que pol branu. Sorprendionos qu'en plenu branu nel oriente nun hubiere mas que dos meses y la nuesa, pero la crisis ye la crisis y, bono, tamien yera martes.
Como siempre, musiquina sele, ambiente afayaizu, sitiu prestosu y Campoviejo tomando nota de los platos. Como siempre tamien, atencion increible y detallinos como'l de, dempues de pidir, volver y indicanos que quedaba mas agusutu si pidiemos otru pexe, que la ventrisca nun taba pa ello (una pena col bonitu qu'anda perhi agora), asina que cayo'l pixin.
Vamos a lo que vamos que pa eso tamos equi, d'entamu la casa punxieronnos un cremosu de fua con trocinos de mazana cruda, sele, cremosin pero con munchu tastu a fua. L'amestu coles mazanes ye una combinacion cenciella que-y queda perbien. A la par teniemos dos crocretes de pita que yeren un plizcu pastoses, pero de gran tastu y rebozu finin, abondo conseguides (semeyes 1 y 2).
Pa entamar nosotros decidimonsnos por unos muergos de buzu. Nun se si la hestoria del buzu que baxa polos muergos con bombona ye asina, pero dende llueu d'esti tamañu y ensin sable nun lleguen a la pescaderia de "la vera casa" (semeya 3). Platu pa esfrutar del productu con una preparacion clasica pero realmenti bien conseguida (sal, llimonin, aceite y perrexil) un toque de plancha y llistos pa xintar. Prestosos asgaya.
De segundos, tomamos el pixin con pulpu y cruxente de pimenton (semeya 4) y pichon (semeya 5). Prebe un pucuñin del pixin col pulpu y'l pimenton y llograba ser un amestu con un toque diferente, prestosu, con gran tastu a mar, pero nun yera, por exemplu, el pixin del "Barrigon de Bertin" . Un platu prestosu pero sigo diciendo que yo n'estos chigres prefiero la carne. Asina qu'al mio pichon, que pena que seyen tan piquiñinos porque d'estos xintaba tres o cuatro, h.e h.e. Preparau con un toque de plancha, con la pechuguina poco fecha, con un tastu fuerte a paxarin realmente bono y sobre una cama de salsa, que yo, que nun soi llambion fui quitando dempues de prebala porque resultabame dulzayona (yera una confitura, creo que de mazana) y preferi dedicame a la carnina (nun se pue falar de carnona, claro). Platu prestosu y cenciellu que venia cola compaña de unos ñoquis d'afuega'l pitu realmente bonos y que, por ciertu, tenia'l figadu espardiu per riba d'un trocin de pan que taba pa rellamber.
Por esta vegada y ensin que sirva de precedente, tome postre porque alcontre dalgo que de xuru me diba prestar y que esfrute como un neñu, eso si a la mio muyer nun-y dio mas. Ta claro que pa los llambiones esto nun val, pero una mimosu de cabrales con chocolate blanco y xelao ye un amestu de dulce y salau y cabrales que nun val pa tou'l mundiu.
Pa beber un poco d'agua, nun muncha que ya sabemos qu'estropia les caleyes, y un Valtuille cepes centenaries 2005, Bierzu potente (primera vegada que lu prebaba) pero que mos sorprendio siendo mui frutosu al principiu y pasando, eso si a mostrar munchu mas caralter a lo llargo de la cena, lo cual tuvo perbien ya que entamamos sele y terminamos con carne de "caza", asina que cumplio con nota (¿que?, ¿a que pa nun facer dengun cursu de preba de vinos voi ameyorando?...necesito esi cursu :-) ).
La nota nun llego a los 70€/persona, preciu que tenia'l menu "extra llargu" que tienen agora'n branu y con perbona pinta, pero que con eso de "mesa completa" yo nunca xinto porque la mio compaña duldo munchu que llegare mas alla del cuartu platu totalmente fartuca y nun ye plan. Pongo'l pero al Corral nel tema de los precios de los vinos que me paez que tan abondo pasaos, el nuestro llevose casi'l 36% de la cuenta, nun ta mal, pero un dia ye un dia y'l Corral sigui siendo apuesta segura.
8 comentarios:
que guay el corral, vaya ganas tengo de volver :-)
una pena que marta te deje solin con el menu jeje, porque creo que te prestaria mas
bono...voime 15 dies fuera ensin ordenador, asina que nun echaime de menos perhi.
Y si, Antonio, el menu diba prestame asgaya son tropcientos vinti un platos :-),pero ye lo qu'hai!! ;-)
Muchas felicidades fartón. Eso de que te dijeran de cambiar un pescado es todo un detalle, eso a mi ya me predispone de un sitio, así debería de ser.
Por comer un poco de mierda no pasa nada.
Estuvimos cenando allí hace un par de meses, tenían de postre un milfuelles ;-) de queso de los Beyos que estaba que se salía..es increíble cómo mezcla los sabores y consigue un plato dulce de textura suavísima usando queso!!..la caña!
De aquella tampoco había hambre bastante para el menú degustación, pero acabará cayendo un día de estos,que nos quedamos con las ganas.
Ayyyyyy... quise decir milfueyes!!
ES verdad que los precios de los vinos son altos y no invitan a darse un capricho.
Que lo paséis bien.
Dios, ya toi equi, vimos el sol 15 dies, que ye una cosa mariella que sal nel cielu de vegada'n vegada, por si nun vos alcordabeis ;-), y salimos un par de dies perhi y xinte bien, mira tu y ensin proponemelo.
Del corral, toi d'alcuerdu con toos menos col anonimu...¿mierda?, home equi nun la prebe, pero pa gustos hai colores, ta bien que nun te preste'l sitiu asina hai opiniones distintes pero con mas datos ¿que foi lo que vos fallo cuando fuisteis?
Publicar un comentario