La Solana (Mareo de Riba-Xixon)

Dempues de guetar una fecha, por fin pudimos dir a celebrar l'aniversariu. decidimosnos pola Solana, magar que nun teniemos mas referencie qu'un post en "Los Diletantes" de fai un par d'añinos (y nun lu ponien mal, pero tampoco bien) y la paxina güeb del chigre, bien mala, que tampoco daba idegues. De toos moos como yera de los pocos n'Asturies d'esti tipu que nos quedaba por prebar y taba cerca, pa elli que fuimos y, mira, encantaos que quedemos, nun nos arrepentimos pa na,taba too pa rellambese.
La Solana ta n'una casona d'indianos cerquina de les instalaciones d'entrenu del Xixon, un sitiu perguapu con un aire clasicu, tanto na decoracion, como'n tolos elementos interiores (baños, puertes, suelos...) que paecen llevate al sieglu pasau.
Atencion profesional y eficiente, entamaron a traenos el detalle de la casa (semeya un) un gazpachu de remolacha con anchoa enriba d'una mouse d'afuega'l pitu. Namas prebalo sabiemos que'l sitiu diba dar bona nota, frescu, con un bon amestu de tastios ente los tres elementos. Perbien escoyiu pa esta seronda que tenemos esti añu, abondo caldia, amas d'una nuechi con un plizcu de vientu de castañes.
La curiosida dicen que mato al gatu, pero la nuesa col primer platu ayudonos a entamar cola fartura. Pidimos una par de copes de berberechos con güeves de trucha, mouse d'un pexe llamau maruca y mas güeves de trucha al fondu (semeya 2)...d'escandalu. Berberechos tremendamente ricos con un tastu a mar impresionante y gran amestu, otra vegada mas, coles güeves y la maruca. Ya tabemos encantaos cuando vino'l segundu entrante, emplatau pa ca un de nos (semeya 3), una ensaladina de rebozuelos con xamon de coriu y "verde". Rica, claramente preparada pa resaltar el tastu de los rebozuelos, abundantes y mui ricos.
De segundu decidime pol gochin con piña (semeya 5) y pel otru llau de la mesa una sorprendente suxerencia n'ochobre, ventrisca de bonitu fresquina (semeya 4). Los dos platos abundantes, bonos trozos, bona calida de productu. Equi nun se complicaron la tiesta cola preparacion, cenciella, clasica (la piña'l mio yera testimonial, pero daba-y un toque de frescura al platu) que mos permitio esfrutar de los tastios de los bichos ensin denguna mazcara.
De compaña tuvo rondando perlli, anque pocu tiempu porque casi nun nos dio pa tola cena, un Numanthia 2005 que, pa siguir coles mio notes de preba de vinos totalmente descriptives, dire que nun taba bono, taba perbono :-).
Ah!! esta vegada dimos-y al postre, y mas coses. El postre nun yera pa mui llambiones, escoyimos un postre d'ablanes y mas ablanes, ye dicir, ablanes en xelau, en bizcochu, tostaes..., a mi gustome. Ya puestos a facer gastu prebe un oporto de postre L.B.V, quedeme coles lletres pa la vuesa informacion porque yo nun soi capaz d'entender el trasiegu de lletres y denominaciones que se traen los portuguesos con estos vinos, al casu, que tamien taba bono, como'l Numathia :-). Unos cafes, un chupitin d'oruxu de miel (chupitin non, tanque con una piedra de xelu). Amas d'esplicanos a la salida, ensin entrugar nosotros y de la que marchabemos, el porque de la ventrisca y'l porque tamien entamaben tardi a traela (creo que los mios güeyos y la sorisa de felicida alcoholica dieron-yos confianza). El casu ye que nos presto pola vida a un preciu de 68€ per capita. El proximu post, en Bruseles, bones nuechis!!!