A esti pasu podia llamar al blogue "un chigre na mochila" o "Camin de Fartures", pero nun-yos llego a la suela los zapatos nin al gran Labordeta, nin a Ambas, asina que seguira siendo "Fartucones" y ya ta.
Dempues de dar un pasein pela ruta'l Alba con unos collacios (digo pasein porque con tantu nenu mas alla del paseu, como que non) garramos el coche y fuimos pa Caliao. Enantes de llegar a Caliao pasase pela Encruceyada onde la presencia masiva de cazadores nel bar fixo que la dulda abordara la mio tiesta, ¿igual Zulima nun ye lo que yera?. En llegando a destin, tire la dulda pela borda, Casa Zulima tamien taba enlleno d'escopetes.
La mesa que nos prepararon taba xustu a la entrada del comedor y sola, lo que nos dio munchu marxen de xuegu colos nenos porque'n finando la xinta pudimos controlalos ensin mayores problemes.
Tolo que pidimos foi pa compartir y punxeronlo nel centru la mesa en fuentes, asina que les semeyes nun son fiables respectu a les raciones, porque les serviemos nosotros. Palos nenos pidieronse pataquines, güevos y picadiellu (semeya un) que ya los adultos terminemos de rebañar. Impresionantes, güevos y pataquienes de casa fritos nel so puntu ensin aceiton y un picadiellu perricu, ideal palos neños porque nun taba na picante (la mayoria punxeronse les botes).
Dempues d'esto llegaron les raciones de los paisanos (y paisanes), cabritu guisao y gochu xabaz con setes (semeya dos). Bua!! que bono. Yo nun prebe'l cabritu pero dixeronme que taba perbonu. Eso sidel gochu xabaz doi bona fede de que taba pa rellamber el platu con esa salsina con setes compactina y de gran tastu (ta entrandome una fame que...). Les dos coses venien con otra racion de pataquines caseres frites que taben pa morrer de gustu. Ah! Escaeciaseme contar qu'un de nos pidio fabes (nun-y entrugue que tal pero visto que'l so guah.e casi y-les fina, males nun debien tar).
Na mesa nun falto'l verde ya que pidimos un par d'ensalaes mistes, unes raciones contundentes d'ensalada colos compuestos normalinos (bonitu, cebolla, tomatin, aceitunes...) nel que'l bonitin nun taba nada mal.
Varios postres de tartes y eso que nun entrugue y'l mio pa compartir que foi quesu casin con dulce de mazana. Mui ricu'l quesu y perbonu'l dulce que pretome munchu y eso que nun soi nada llambion (semeya 3). Cafes, agua y dos botelles de Campillo Crianza 2006 (a 15€ ca una, que tamien ye bon preciu) y la cuenta nun llego a 39€ por pareya. Pa que vos faigais una idega xintemos 6 adultos y 5 nenos pequeños y quedemos bien fartucos.
Puxa Asturies!! qu'entovia queden chigres onde se xinta bien y a bon preciu y eso que tamos na entrada de la ruta de los Arrudos y turismo pela zona hai abondo.
9 comentarios:
Matachana
Para después de hacer la ruta del Alba, por cierto bastante llevadera respecto al desnivel, un buen sitio para reponer fuerzas. Yo para beber, si tienen, pediría sidra.
Hola Matachana
La ruta'l Alba ye ideal pa dir con nenos, pero los d'esti grupo son toos mui pequeños como pa facela entera...nin entera nin munchu mas alla de la piscifactoria dempues d'una hora :-)
Yo a la sidre nunca y-digo que non, pero n'esti casu preferimos vino, nun teniemos tanta sede, l'esfotu nun foi tan grande h.e h.e :-)
¡Ahí tá! ¡Con dos coyones!
Pa los guajes pataquines, güevos y picadiellu. Asina faense los paisanos del mañana.
Pd.: Les semeyes de esti post... son dignes de las que aparecíen en los primeros post del añorado blog del guaje.
8-)
Ye que tienen que dir preparandose pa tiempos duros. Hai que los formar en plan militar ya :-).
fuera coñes, nun sabes lo que yos-presto a los nenos los platos. Y un d'ellos amas de xintar (nun muncho eso si) del picadiellu y los güevos casi y-fina la fabada del pa. Vamos, que nos amariconamos cola eda :-)
Les semeyes van en funcion del dia fiu, hailes peores...eso si, son un reportaxe graficu adecuau :-)
Por ciertu, compangu, daste cuenta que segun va pasando la xinta les semeyes van faciendose mas escures?...tendra que ver el pasu del Campillo n'esto?
Duldes filosofiques mañaneres
Por supuesto que tien que ver el Campillo. Ese roju cereza de capa alta, ese ribete texa... bueno toes eses coses.
¡Que voy decite yo a tí, fíu!
;->
h.e h.e....a mi prestome!!foi un vinin prestosu pa esta xorna gastronomica
Que recuerdos de Casa Zulima, con una botellita de Glendord la noche antes y una de Pesquera durante la comida :-D
ya eh!! y eso que nun sabien lo que yera....¿quien diria eso?...:-)
Publicar un comentario