Primera visita pola mio parte a Paris, la ciuda del "Amour" o "el pueblu de Juanjo" que yera como la conocia hasta agora. Pena de visita rapida porque llegue'l mesmu dia de la cena y'n cuatro hores, cual turista nipon, diome tiempu a patear dende'l Arcu del triunfu hasta'l Louvre pasando pel Obeliscu y la Torre Eiffel, eso si, paeciome una ciudad impresionante y quede con ganes de volver con mas tiempu.
Dempues d'esti paseu, el madrugon aeroportuariu y la xinta del aeropuertu ya taba yo naguando por una bona cena en Paris. L'escoyiu polos mio anfitriones foi Le Laurent, xustu enfrente del Palaciu del Eliseu colo que nun perdi la esperanza de ver a Carla Bruni perlli (a mi Sarkozy ye que nun me pon na) durante la mesma. La verda que'l sitiu prometia, una institucion na ciudad, un cheff, Alain Pegouret, dau a la cocina d'autor y xuntar Francia y cocina, la cosa nun pintaba mal.
Tres de la recepcion, que pase tomando champan del ricu y falando ingles ente gabachos, entremos a cenar n'un salon d'esos piquiñinos (yeremos unes 60 persones) y afayaizos pero qu'en pocu tiempu paso a ser piquiñin ensin mas, con esa mania que tienen equi de ponete los cubiertos casi enriba del platu del vecin. Nun se si habra que yos-explicar a los franceses eso del "espaciu propiu", menos mal qu'un nun ye Tachenko y entra en casi cualisquier sitiu.
Entamo la cosa con un indescriptible primer platu consistente en salmon marinau debaxo d'una capa de color verde que llevaba de too, dende tastos a naranxes y llimones a pepinillo con una testura ente xelatina y emulsion y que nun me fixo la menor gracia. Polo menos el salmon de baxu taba medianamente ricu. Debe tar de moda en Francia (polo menos en Paris) esto de poner la comida embaxu un conxuntu d'otres coses porque vilo na comida del dia siguiente nel centru de conceyos en varios platinos.
Ta claro que la cosa nun entamaba bien. El segundu (semeya dos) ameyoro les sensaciones ensin llegar a nada destacable dientro del mio sentiu del tastu que igual nun ye del tou finu. Entrecot de xata (la pieza central ensin nervios y con un corazonin de grasa) con tastu bono pero ensin gracia (la pieza nun tenia'l tastu que se y-presuponia). Fechina per fuera y sangrante per dientru, fallo mas la pieza y la falta de gracia del conxuntu (4 pataquines sueltes y un cogollu d'ivernaderu del Ejido) que la cocina en si.
Venga, ya taba yo quemau colos francese y la so nouvelle coucine cuando llego'l postre y...dexome com taba. Bon chocolate pero sobre una base "galletil" que nun-y aportaba na de na (semeya dos).
A tou esto, los vinos de la cena (de los que dexo la semeya tres a los entendios) fueron lo unico prestoso de la mesma, ensin ser denguna maravilla. Gustome mas el tintu que'l blancu. Esti caberu influiu por el "bon" facer d'un "profesional" que s'empeño en creer que'l blancu yera un "blanc de blancs" echandome la ultima copa de vinin na del agua. Y direis que que pih.u que soi, que que mas me daba una copa que otra y tendrieis razon porque les copes d'agua y vinin yeren iguales, si nun fuera pol pequeñu detalle de que la d'agua tenia dientro eso, agua y de la de gas, d'ehi lo de pasame del blancu al "blanc de blancs" llixeramente espumosu.
En resumen, nun se lo que pagaron por persona, pero si tenemos en cuenta que'l chigre nun ye baratu y qu'un menu curtiu cuesta sobre los 150€ sin bebides, fixome pensar eso de "¡ay! si vendieremos meyor l'Asturies-España gastronomica". En fin, que si vais a gastar perres a Paris n'um bon chigre, nun vayais a esti por muncha Carla Bruni qu'espereis alcontrar.
9 comentarios:
Ye lo que tien la France. Cómese meyor en relación calidad-precio en un bistrot o brasserie que un restaurante con estrella Michelin.
En les pasaes vacaciones de mayo tuve en 4 restaurantes con estrella y ni fu ni fa.
Pues taba a puntu de dicite que nun me paecia que tuviese denguna estrella michelin, pero acabo mirar la guia cibernetica y tien una....madre mio....3 estrelles pa tolos estrellaos asturianos ya!!.
La verda que na de na y si pagues tu y pa encima llega'l camareru y metete'l vinun nel agua, montes la de Cristu
Por ciertu que los dos comentarios que y-fain en www.viamichelin.com son pa ponelu a parir, sobre too al serviciu....francamente...
Todavía me estoy riendo, lo siento. Ese blanc de blancs... En fin, temo que ese tipo de comidas, esos "encargos" no salen bien casi nunca. Aparte, la diferencia cualitativa, vale, pero déjate de repartir estrellas que luego acabamos así.
En todo caso estoy vacunado: yo procuraría esquivar a la Bruni, así que estoy fuera de peligro ;-))
Jorge
Lo de les estrelles decialo pola comparanza de nivel. Duldo munchu qu'una xinta d'encargu nel Corral pudiera rozar un nivel tan baxu, francamente, lo duldo.
Supongo que los cantos de sirena de la Bruni son lo que fai fuyir :-)...colo bien que canta!!
Recuerdo cierto ejemplo grabado que puso una vez Ramón Trecet en Radio 3. ¡Si hasta se ahogaba! Pedazo de voz... en sentido literal: un trocito, no una voz entera.
Por cierto, hay que acabar con esto. ¿Ves lo que pasa por salirse del guión, por incluir ciertas referencias en un post? Este ya parece un blog digno de las tardes de Telecinco. Nunca debimos dejar de hablar de gastronomía, aunque tu experiencia en esta ocasión no invita. Deberías rápidamente desviar la atención hacia algún potaje casero o algo así. Incluso hacia Anabel Santiago, si es menester ;-)
Por DioXXX solo nos falta la Esteban!!, menos mal que nun nos vamos a operar los llabios h.e h.e.
Nun te preocupes enantes de dir a Paris entame pel Sena...el de Torazu :-) asina qu'en breve postere la esperiencia "sollombica" ;-) eso si, prometo colgar un video de Anabel!
¡Yes un galluuuu! ;-))
Publicar un comentario