Tres d'un di de relax per Torazu col consiguienti vermu, decidimosnos a prebar un bar de tola vida de la zona que nun conociemos. Asina que dende Torazu punximos el Tom-Tom a furrular y tiremos a esti pueblin de Piloña.
La verda que nun ta mal situau, ente la frontera de Villaviciosa y Piloña, pela caleya de Sietes, xustu nel altu ta Anayo y a la vera la carretera teneis La Bolera. Esto tan cenciello hai que lo esplicar al cacharru esi del GPS, que debia saber que soi un caleyeru empederniu y metiome per toles pistes forestales qu'alcontro (tamien venia de Torazu y non de La Villa, pero en fin). Al casu, que menos mal que taba'l dia perguapu y nun llovia porque sinon nun llegamos. El viaxe merecio la pena, dende'l altu podeis esfrutar d'unes vistes impresionantes de los Picos (semeya un) y si mirais pal otru llau veries la Mar. Lo dicho, impresionantes vistes.
El chigrin ye perpequeñu (semeya dos), eso si, tien aparcamientu pa Andres y otros tres, nun se yo si querran ampliar pa fecer un de bodes y banquetes!.
Fuimos ensin acutar y con un comedir d'un masimu de 14 persones (tirando polo alto) tuvimos d'esperar un cuartin d'hora. Pa facer mas entretenia la espera tomemos el vermutin na terraza al solin y mirando pa los Picos (otra vegada la semeya dos).
Llegamos a lo que nos interesa, la parte de bar nun ye mui grande, pero la de comedor ye minima. Puesto abondo cuquin, bien llimpiu y con ventanes a la vista montañil. Carta cantada ensin complicaciones a base de guisos y arroz con coses, el que quiera pexes meyor marcha pa La Villa. Serviciu atentu y amable entren bones sensaciones dende que te sientes. Dos platos tradicionales cabritu guisadin (semeya tres) y pitu caleya (semeya cuatru).
Dos platos contundentes en racion, perbien cocinaos, con un guisu d'arbeyos y pimientinos. Tastos impresionantes, tienros, seles y cola compaña d'unes pataquines de verda frites. Yo diria, nun apostarie la manu n'ello, pero diria que'l pitu paso un plizcu pela sarten primero y dempues a guisar. Los dos platos pa amantes de los tastos de siempre o refalfiaos de la comida moderna. Perbonos, de lo meyor que xinte ultimamente.
La carta de vinos tamien ye "a capella" y nun espereis equi la guia Repsol de vinos. Nel nuesu casu, un mas que dignu Ramon Bilbao crianza 2007. Si quereis sidre el palu ye de Coro, anque supongo que nel comedor darante'l pitorru verde esi pa chala.
Un par de cafetinos con xelu, el vinu y'l vermu d'enantes d'entrar y un chupitin d'oruxo con miel por 19,90€/persona. Gran RCP y mas si pensais que les raciones valieron 12€ ca una. ¿Quien alcuentra un pitu prietu de verda y bien cocinau n'una racion asina de contundente por menos de 17-19€? pues creo que ya en pocos sitios. Volveremos, ensin dulda, anque nun ye sitiu pa nenos mui piquiñinos (nun tienen onde esparder)
10 comentarios:
La propuesta es interesante pero no sé yo si me perdería por esos montes... ¡sobre todo para volver!
Por cierto, qué capacidad para sumar vermús "así a lo pijo" que tienes ;-)
Luego te quejas de que el Tom-tom te lleve por esos sitios. Lo que está haciendo es ensayar rutas de huída por si vienen los de verde :-))
y tan a lo pijo. Menos mal que desayunara como un paisanu. Pel camin del Tom-tom lo mas verde que vi fueron los cazadores. Ellos tuvieron n'un tris de parame pa pedime un autografu por dir perlli con un tracion delantre y yo de parame a pedi-yos asilu politicu y un poco de la caza'l dia :-)
Fuera de coñes dende sitios mas civilizaos el camin ye La Villa-Sietes-Anayo.
Sitiu obligau de parada en el camín de Xixón a Cuadonga. Todos los años pasó por allí en bici y siempre cae un bocata de carne guisada,... uhmmm pa chuparse los deos.
Merp
Tu si que sabes collaciu. Eso de la bici da un mundiu!! ;-)
Acabo de ver esi pitu caleya y yo que toy a dieta estrictisima de comer unos sobres y nada mas acaba de caeseme el mundiu a los pies ,,, ufff !!
Tomo nota ,,, y pa la proxima que vaya pa Asturies voy dici-y a un amigo miu que ye fan de conducer per caleyes , pal monte y tal y cual que me lleve ,,, redios !!!
Ayalgueru
¡coño! n'estes feches y a sobres...buff, eso nun pue ser bono :-)
Esti sitiu ye pa dir per caleyes o pela carretera bona, pero pa dir. Eso si, esfrutase mas peles caleyes porque en llegando paez que te presta mas la xinta.
Me encanta tu blog!
Te sigo
Pues munches gracies Isabel, espero que t'afayes mas perqui.
Todos los años en mi peregrinacion a cuaonga,paramos a comer una de sus especialidades,el bocadillo de ternera guisada,tiernos tacos de carne,con arbeyos y una salsina pa relambese,unos suculentos bocadillos.
En primavera verano,un sabado que vayan grupos de andariegos de gijon puede vender 50-80 bocadillos tranquilamente.
saludos buen blog.
Dani Perez
Munches gracies, ho!. Veo que faceis lo mesmo que'l mio collaciu Merp. jeje, agora sedra qu'hasta sois collacios y faceis el camin a Cuadonga xuntos. Habra d'entrugar el porcentaxe de beneficios d'esos bocates, si tan tan bonos como la carne de los platos tan pa españar barrigues y mas dempues de caminar o dir en bici!! ;-)
Publicar un comentario