jueves, 6 de marzo de 2014

Filigrana (Santiago de Compostela - A Coruña - Galiza)


Y dempués d'un par de díes intensos, lleguemos a la cena acutada pola sorpresa en Santiago, que yera nel mesmu hotel del regalu (A Quinta da Auga)

Pa tenelo claro dende'l principiu, un bon restaurante n'un sitiu perguapu de hotel, eso sí, nun esperéis una crónica de coses sorprendentes y cocina con I+D o coses como nos cuenta Gastroerrante de los sos chigres de Santiago. Esti ye un "sota, caballu, rei" onde vas salir contentu, onde dempués pues tomar una copa n'un salón con chimenea perrelaxau y onde too cuenta, porque xintar, xíntase bien.

Carta de vinos curtia y clásica, pero onde pues alcontrar referencies pa quedar agustu, nel nuesu casu un Artadi Viñas de Gain foi'l que tuvo pela mesa ayudando.

D'entamu la casa un mexillón veloz....¡non, eso ye la semeya que me salió como nos vieyos tiempos!, ensalada de bacalláu (bacalláu desalau y tomatinos frescos) en un mini-platu con forma de mexillón. Ensin namoramientos, bien pa facer boca.


D'entamu, "l'error" de la nuechi, ¿quien coño nos manda pedir oricios en Galicia?, pues naide, ¡ocúrresenos a a nosotros na más!. Nun ye que tuvieren malos, tolo contrario, pero claro, pa unos asturianos que xintemos los oricios por docenes y casi crudos, que te pongan dos oricios coles sos güeves en bechamel y unes güeves de pexe perriba, por perbono que tea nun ye lo esperable de tastu. Entiendo que nel restu l'estáu tienen que suavizar el tastu de los oricios, pero pa nos foi persuave. ¡Cuidadín que nun ye fallu de cocina!, yo pediría otru entamu pa la prósima :-)


Los segundos otra cosa, porque yeren lo que esperemos, claro ta, y bien bono el meru a la plancha con setes, de tastu, frescor y puntu. Bona ración y a esfrutalu

 

Y un sollombín de xata gallega poco fechu de primera calidá con una salsina de mostaza dulce a un lláu, pero yo a eses coses presto-yos poca atención cuando lo que pido ye carnona. :-)



Dos cafés con xelu y en fin, una bona pitanza pa parexines que puen arumacase dempués nel salonin con un Gin Tonic y nel qu'almiten tiques.

La cuenta unos 40 € por cabeza en cálculo semi-mental a lo visto na carta, ya que'l regalu venía con cena asina que nun vi la cuenta.



8 comentarios:

Toni dijo...

Je, je. Anda que pedir oricios en Galicia onde ta anteayer tirábenlos. :-))))

Fartones dijo...

Joder!! Coses nuestres ho!!! Ya sabia yo que nun yera lo ideal pero había unes ganes d'oricios de la de Dios!! . y tampoco taben mal Ye que onde ten con un plizcu calor que se quiten les coses rares!! :-)

SIBARITASTUR dijo...

Tien buena pinta el sitiu si, Acuerdaste de la añá del vinu?

Fartones dijo...

El sitiu ta perbien y hai SPA y too jeje. 2011 yera'l añu. Rico

David López Castañón dijo...

Pa matate colos oricios ... eso sí, el sollombu tien bona pinta.

Jorge Díez dijo...

Bueno, a cada cual su responsabilidad, así que a mí me parece bien. Lo de los oricios ya queda explicado y lo demás parece correcto. Lo mejor, que lo habéis disfrutado; para lo demás, gustos y colores. Así que esta es vuestra experiencia y así la cuentas. ¿Mis crónicas? Cosas de frikis, je, je ;-)

Fartones dijo...

Ah!! Sí. El sitiu prestó :-)

Fartones dijo...

Pa la prósima prebo los de Gastroerrante, esta vegada diba too nel pack, asina que nun hubo oportunidá. :-)