La Solana ye, ensin dulda, un referente nel occidente d'Asturies y La Mariña de Lugo. Un d'esos sitios de productu y xintá clasicos que merez la pena esfrutar de vegada'n vegada.
La disculpa pa arimase hasta equí foi'l día del pá, nesti casu, el del mio que y-dio por ponese "farrucu" y dir a Ribadeo. Asina nosotros aprovechemos y fuimos ya el sábadu a durmir en Rinlo (un pueblín perguapu).
La Solana ye un chigre grande pero afayaízu de dos pisos en piedra y maera mui cerquina de la ría. Na parte baxo ties la zona más de chigre y un comedor na de riba onde nos metieron a 11 ensin problemes de arrexuntamientu con otres meses.
Como vos dicía, La Solana ye productu y cocina sincera y a ello nos dimos.
D'entamu pidimos unes anchoes en varies formes, tartar, anchoa sola, en tosta con pimientos y endolcando un quesu bola blancu. Y digo bola blancu, porque esta foi la única variante que nun prebé, asina que quedé coles ganes de sabelo porque tampoco entrugué a naide sobre la marcha y dempués pasóseme (paecía mozarella).
En cualisquier casu, muy riques todes les demás versiones. Más floxa, por dicir dalgo, la versión tartar onde tenía igual más presencia la compaña de verdurines varies que la propia anchoa, too ello presentao n'una pizarra, que queda perguapo.
El siguiente entamu fueron les crocretes de mariscu. Crocretes de tamañu piquiñín con un rebozu finu y una besamel suavina mui rica. Personalmente, y esto va'n gustos, prestaríame más potencia del mariscu nel tastu, pero riques taben.
El siguiente y caberu entamu fueron los muergos plancha con salsa de mojo verde. Perbono too, calidá de los muergos (ensin ser pergrandes, taben perllimpios de sable y teníen un tastu perbono), orixinal lo de ponételos con mojo verde en vez d'aceite y llimón, como ye más normal, con un resultáu estupendu.
Y por fin llegó el platu estrella del día que nos presentaren al sentanos a ver si daba o nun daba pa toos, que dio.
Presentovos a Amparín la llubina (que de furagaña nada de nada ya) de unos 5 Kg. D'eso pasó a dos raciones como la de la semeya siguiente.
D'ellos pidieron cafés, postres etc...de los que nun puedo opinar porque nin los toqué, de vino andaben circulando Roda I y Terras Gaudas, pero lo que tien conducir, ye que yo tomé un agua mineral del 2014 que taba coyonudu.
De preciu tampoco falo, a pesar de ser tamién pá, ellí sólo pagó un :-)
8 comentarios:
Que gran sitio es la Solana,una lubina de esas se apretó compangu(con servidor) este verano.El arroz lo prepara de maravilla y tiene una carne excelente,en definitiva,un gran sitio con una gran relación calidad-precio.
Aloque
Impresionante!!!
Y ahora que por fin ya acabaron la autopista queda tan solo a 1 hora del centro de Asturias :-)
Pues sí. Y nun todo va ser l'arroz caldosu de Rinlo :-)
Mimantu, qué pintaza!!! Pena que tea pal otru llau
Bono, ho!! hasta Foz ye too un!! :-)
Recomiendo, recomiendo y recomiendo.
Además el arroz de Rinlo es muy típico y sale muy bien de precio. Pero merece mucho la pena hacer un esfuercín (tampoco muy grande) y pedirlo aquí, porque es de otra división.
Te he dejado dos premios en mi blog con la intención de dar a conocer blogs con poca difusión, me gusta el tuyo. Si te animas a conocerme, te dejo mi enlace http://mientrasonaba.blogspot.com.es/2014/04/premio-liebster-award-y-conoceme.html
Publicar un comentario