Gran descubrimientu el d'esti restaurante nel centru d'Uvieu (pegau al Fartuqin). El sitiu tien bona pinta por fuera, pero cuando pases dientro entovia tien meyor pinta. Puestu con un amestau de piedres y lladrillos y col restu les paredes pintaes de colores afayaizos, ye d'esos sitios nos que te presta tar (tamien la musiquina de fondu ayuda). El personal ye profesional y tan pendientes de ti ensin agobiate. Dempues de sentate y vete agustu llega la hora de la comanda, claro. Na carta echense de menos delles entrades de blanco, y del tinto, anque nun tengan muncho tienen bones elecciones. La nuesa Emilio Moro crianza 2005. Pa entamar, l'aperitivu de la casa un cruxente de quesu de pria sobre una cremina de zanahoria que taba perbono, asina que la confianza crez. Pa entamar aconseyaronnos que pidieramos güevu con choscu de Tineu, pataquina cocida y berza (una de les semeyes) asina que nos llanzamos con un par d'ellos. Impresionantes, eso si, ye contundente como entra. El güevu taba pa moyar como Dios manda y la berza nel so puntu daba como resultes un amestau realmente bono. Moyes el pan, vuelves moyalu y fines con ganes de mas. De segundos tiramos pola costera, vamos bonitu pa mi y ventrisca pal otru llau de la mesa. Les dos coses prepares sobre un pistu d'aceitunes prites que taba realmente rico. El bonitu taba mui rico y, claro, la ventrisca mas. Too con bona mano na cocina y raciones que nun dexen indiferentes. El preciu, na mal, alreor de los 38 €/persona, eso si, ensin postres, si nun contamos el mio PX, claro, nun voi marchar yo ensin una copichuelina d'estes :-). En resumen, sitiu perafayaizu con bona atencion na que podeis quedar bien con quien lleveis. Avisu pa los que tienen guah.es, fumase, pero la verda ye que como nun habia muncha xente güei, nun notamos na. Venga, una entrada mas y fino, que güei toi semau.
4 comentarios:
Sin duda, uno de los mejores sitios de oviedo. El trato es exquisito y la comida es excelente,Mi reconocimiento al trabajo y el esfuerzo personal de unas manos expertas.Os recomiendo ir porque desde el aperitivo de bienvenida hasta el postre todo es un placer para los sentidos.
No solo te deleita con su comida. Tambiés es capaz con sus palabras de hacerte sentir entre sus fogones.
C.C.V
No del postre nun te sabria dicir, pero'l sitiu merez la pena como dices.
De postre tienen una de les meyores tartes de quesu del mundu occidental!...ummmmmm
Anonimos
Ya veo que perdime el postre, cagüen mi mantu, pero ye que nun soi llambion. Ta bien que lo apunteis pa otru que vaya a Ca Suso
Publicar un comentario