martes, 9 de abril de 2013

L'Albancia (La Ortigosa - Llaviana)

Tou tien un entamu y un fin, y esi foi'l casu de la carnona, entamó equí, na Albancia, un sitiu perafayaízu y perguapu puestu'n piedra y maera, con munchu gustu. Un sitiu prestosu onde perderse a tres Km de la Pola Llaviana, pero to pa riba, pal monti, como nun podía ser d'otra manera diendo yo.
L'albancia ye'l nome d'un chigre y tamien el del hotel pegau a él, pero nun ye'l chigre del hotel, y los dueños nun son los mesmos, magar que fixeron les coses n'andecha y arrancaron al mesmu tiempu.
Fin de selmana con muncha ñeve y cutu asgaya que nun nos permitio el domingu esfrutar de la bona pinta del menu especial de fin de selmana por 18 € porque punxose a ñevar con tantes ganes que ellos tuvieron que trancar y nosotros que marchar rapidu, nun fuera ser que tuvieremos que quedar ellí hasta'l llunes. Volveremos.
Pero voi centrame na cena del vienres, la del día de llegada, nel que pases pela Pola a tomar un vino, pero apetezte cenar cerquina del hotel.
Pa entamar, como detalle de la casa, una mantega casero con munches coses (ente elles ayu y mas especies), polo visto van camudando los ingredientes pa nun repetir. Bona presentación y ración abondo grande pa ser un detalle.

L'únicu que tenía fame yera yo, asina que'n vez de la tabla de mini-tortos entera, punxeronme 2 como de preba. Perbonos, prestome más el de la mazana asao con quesu vidiagu (creo) y mus de fuá, igual más polo estraño del amestu que por otra cosa. L'otru mini-tortu el clásicu de picadiellu. Un picadiellu abondo bono. Los tortos per bien fechos, esponxosos y seles. Prestaronme munchu.

Equí llega la tarxeta mariella que me saquen dellos de vosotros, sí, taba carnivoru y pedí carne a la piedra. Carne de primero, y con un acompañamientu como tien que ser pa un sitiu prestosu, pataquines de verdá y verdurines a la plancha. En mi defensa diré que nun había naide más que la familia de los dueños cenando, colo que nun molestábemos a naide col fumu, jaja.

Bona ración, too nel so puntu, bonos detalles y lo dicho, quedemos con ganes de prebar la so cocina en serio y nun pudo ser, una escusa pa volver
Dos cafés con xelu, un par de chupitos y una botella de Pago de los Capellanes cr 2009 que fixo una gran compaña por 28€ cabeza.

12 comentarios:

Unknown dijo...

-Penalti y expulsión
-Rafa, no me jodas; carne a la piedra, ¿quién?

Unknown dijo...

Aparte, este sitio sí que era totalmente desconocido para mí y tiene buena pinta. Habrá que anotarlo, por si algún día la primavera decide volver. O por si el nivel de las aguas nos lleva ya hasta allí directamente.

Fartones dijo...

Sabialo yo que me dibes espulsar!!! :-)
No se yo si llegará, ya nos parecemos a Kevin Costner de Jesus en waterworld!!! :-), pero al sitiu pue dise igual jeje

David Castañón dijo...

Pintaza!!!
Nin me suena, pero poniendolo asina, habrá qu'apuntalo.
De ticketsRestaurant nin falamos, non?

Fartones dijo...

Pues David, lo de los tiques ya-yos lo comente yo y como conocen al de La Chalana d'Entrialgu quedaron en informase meyor. Nun se, tu preba, vas y dices que quies pagar con tiques y si nun los tienen aprendelos bien a ver si na siguiente...
Otra cosa, el sitiu ta perbien pero nun espereis un Casa Marcial. Chigre perguapu con comida que tien maneres y prestosa. La carta de vinos curtia, lo que saqué d'ella foi esi Pago de Capellanes :-)

Unknown dijo...

Ya, ya, tamizamos tu opinión, je, je. Criterio Pachu, vamos :-))

Toni dijo...

Tas en plan troglodita últimamente ¿eh?. ;-)

Fartones dijo...

Jeje, ya lo finé, lo del trogloditismo digo, ye qu'entamé equí con ello y finé nel Llagarín. Carnivalismo casi saciau :-)

Fartones dijo...

jorge :-)
maaaaaluuuuu!!!!

Sibaritastur dijo...

Os dejo la toda información del próximo
#EspirituGastro
que se celebrará en Gijón el 20 de abril. Buena fabada y excelenetes vinos blancos de pequeña producción seleccionados para la ocasión por 20 € todo incluido, Fabada a repetir, pan, gua, postre, cafes y vinos-
Cerramos plazo de inscripción el lunes.

Fartones dijo...

Oido cocina, anque yo nun voi poder dir. Munches gracies pola informacion

Anónimo dijo...

It's going to be end of mine day, however before ending I am reading this wonderful paragraph to improve my experience.

Feel free to surf to my web-site: Stretchlimousine zum Kindergeburtstag mieten in - Limo-Net.de