miércoles, 25 de septiembre de 2013

Cacimbo (Viseu - Beira Alta - Portugal)

Tres de pasar pela Feria de San Mateo, como tolos años y xintar nes barraques la típica "Espetada de Enguías" (semeya un)  y d'alcontranos el Kome y O Cortiço trancaos por culpa la crisis, nun teníemos una referencia clara d'onde dir cenar.


Menos mal, que'l nuesu amigu Ernesto (que pa eso ye d'equí) acuta un dia pa quedar con nos y llevonos al Cacimbo, a 2 minutos caminando del hotel. El Cacimbo ye un restaurán con bona atención y terracina amplia n'una cera grande pa que los guah.es dempués de cenar puedan entretenese colo sos xuegos ensin que tes preocupau de que va salir a la cai. Col calor del branín, lo meyor ye cenar fuera, claro ta.


Como nos prestó munchu el sitiu y taba bien pa los neños volvimos al día siguiente, que ye'l día que fixe la "crónica". 4 platos principales. Pel mio llau una especialidá de la zona, el gochín al fornu. Gustome más el día anterior porque lu dexaren más saláu. En cualisquier casu, una bona ración de carne de bona calidá, bien fecha, tienra per dientro y xugosina col pelleyu turriadín. Traía de compaña unes pataques a la panadera, tan fines que parecíen de bolsa, pero non, naranxa, una ensalada y una salsa que nun eché porque yera d'estes feches con mantega que nun me gusten ná. Mui rico a 9,5 € el platu.


Pa los neños, atención un mini filete de xata, pedimos dos, porque yera mini y a 3,5€ la ración anque xinten poco, dalgo xinten los neños. Pues bien, filete de primera, fechu como pa los adultos (refiérome a que nun lu punxeron como una suela de zapatos, si non casi vuelta y vuelta) con un güevu bien fritu y pataques de verdá. Visto lo visto, taba claro que nun diben poder con too, pero presto-yos asgaya, y mira a estos precios sal más caro dir al McDonalds.

Lo más caro pa la "pexívora" de la mio muyer, furagaña a la plancha de ración, de la que díxome que taba perbona, pero que más rico taba el repollu cocidu que taba de baxo. Nun la prebé, pero a pesar de ser de pisci tenía perbona pinta (14€)

Cafés, agua, una botella de Vinho Verde Gazela (6€) y una atención perprofesional, la cuenta foi de 42,45 €. Espero que pa'l añu que vien siga abiertu, porque van venos más díes.

5 comentarios:

Toni dijo...

Si trancó O Cortiço ye normal. Menudo garito...

En cuanto a esti sitiu tien bona pinta el gochín pero 14 napos por esa furagaña...

Toni dijo...

Sabes si sigue el restaurante del hotel del Palacio dos Melos?. Nun taba mal.

Fartones dijo...

Pue a mi gustome'l O Cortiço esi. Bono, al casu, el palaciu sigue ellí, asina que el restaurán tamién,nun fui nunca, pero estos tienen de crecer más, metios nel chigre d'un hotel danme mas mieu que Espinete n'una tienda condones.
El que ya te digo que nin de coña ye'l de la Pousada, ambiente perfeutu y atención tamién, pero falla la cocina que flipes y ye caro (el día que llegues termines xintando ehí por cansanciu y vamos...)
Del Cacimbo, home, tamos nel centru Portugal y pedir un pexe distintu a bacallau ye lo que tien, ¿Que quies?. Lo que pasa ye que la cuenta xeneral compensa con creces y si'n vez de pexe pides carnona, ya ves!! :-)...tirao.

Unknown dijo...

Buen detalle el plato "infantil". Cuántas veces aprovechan eso de "es para los niños" para meterte una cosa sin sustancia y cobrarla bien. Me gusta este trato.

Fartones dijo...

dígotelo yo!! por eso munches vegaes pedimos-yos dalgo de "mayores" pa compartir. A nun ser que haiga delles coses en infantil que yos-gusten. Nun solemos tener problemes porque xinten de too, poco, pero de casi too, asina que... :-)