A Veiga del Vilar (A Veiga del Vilar-A Veiga)

Dempues del desastre del domingu, llegome esta cita de trabayu ensin familia pero con bona compaña, que permitiome disfrutar de nuevo d'una bona xinta n'un sitiu perguapu. El Valle de Montouto ta a unos tres Km d'A Veiga xubiendo pel altu La Garganta hacia los Ozcos y Taramundi. N'esti sitiu alcuentres un resturante sorprendente, sorprendente pola decoracion, guapa ensin recargar, un amestu de piedra, maera y bonos ventanales. Y sorprendente por tar abiertu en plena selmana n'un sitiu asina. Tal ye la cosa que yeremos la unica mesa del chigre y entovia asina metieronnos en fumadores porque un fumaba, cumplimientu de la llei perfeutu :-). Paredes pintaes en colorao, meses y silles modernines, chimenena en meta de la sala. Pena de semeyes, ya sabeis que nun ye plan n'estos casos, tendreis de fiavos de mi, gran sitiu. De primeres dieronnos un cava d'aperitivu, curioso que fuere un de los cavas que siempre garro yo na tienda porque me presta munchu, porque tien una RCP estupenda, Castillo de Peralada Brut Reserva. Entamos al mediu la mesa de les tipiques crocretes de xamon, perbones, bien feches, rebozu finu, bonos trozos de xamon, evidentemente nun llegaron al nivel de les de Casa Marcial, pero mui riques. Otru entamu basau n'embutidos (xamon, salchichon, chorizu y llombu), resultau diversu, bien el chorizu y'l salchichon, regulares xamon y llombu. El caberu entamu una prestosa ensalda de aguacates, llechuga, cogollos y llangostinos (ricos, ricos) que llego nel momentu adecuau pa enfrescar el cielu la boca un poco. Los segundos xubieron munchu'l nivel, polo menos el mio. Sollombu de Ciervu con pataquines con compaña de unes setes. Bien presentau un ciervu nel so puntu de fechu, sele, tienru, bien preparau con unes pataquines de verda mui riques y con un tastu curiosu a parrilla y eso que nun paecia tar fechu a parrilla (pola forma nel que quedo presentau y la falta de marques de la carne, nun paecia), pero tenia un tastu fonderu a ella que prestome munchu (esi tastu que dexa'l carbon, ya sabeis). Son estes coses que si nun tuviere trabayando, entrugaria-yos como-y dieron esi toque. Les raciones son abondo grandes y'l sitiu pa repetir con calma. Como presta alcontar sitios como esti. Poles llambiotaes nun m'entrugueis que nun llegue. De compaña un Hacienda Monasterio finca La Montesa 2005, un vino que, a mi polo menos, paezme que siempre sal bien. Nun se los precios poque me convidaron, pero tirando a caru viendo la carta, en cualisquier casu, bien pagao. Habra que dir d'escapada pa esfrutalu con tranquilida. Nel blogue de Los diletantes tamien pasaron perlli Ta llueu.Ah! y si dalguien me sofita prometo una version del post en Fala Eo-Naviega, que menos, pero yo nun pueo facelo, que soi "central" :-)