O Grelo (Monforte de Lemos-Lugo)

Fai un mesin, mas o menos, que pudimos esfrutar del nuesu regalu de Reis, un fin de selmana solinos na Ribeira Sacra galega. Monforte nun ye'l pueblu mas guapu del mundu pero tien cosines que ver perguapes, el parador, un par de monasterios, la puente romano y sobre too, alrodiu de Monforte teneis los cañones del Riu Sil onde podeis xubiros a un barcu y ver como se les apañen pa vendimiar nesta zona que complicao ye (semeya un).
A la hora de xintar comentarennos tres o cuatro chigres. Paseando pel centru alcontramo dos de los que nos dixeren y nun nos apetecio entrar (ye que son cafeteries, xintarase perbien, pero nun yera la idega). De camin al Parador ya vieremos la nuesa primera opcion, el O'Grelo. Tirando palo alto de Monforte y integrau na muralla teneis esti restaurante que destaca pela piedra esterior y "coño, un cartelu de neon?", en fin...Ya dientro la parte baxa pertenez a la zona de bar y sigue tando'n piedra, mentantu que'l primer pisu que ye'l restaurante ta mal decorau, que-y vamos facer. La verda que baxo la mio impresion deberien mantener la piedra y mas coses, que nun entro. Tampoco foi una bona entrada que nos punxeren n'una mesa poco afayaiza (ya sabeis, d'eses que per tras de ti pasa al de Dios de xente y que nun termines d'entender porque te ponen ehi cuando'n plenu vienres solo habia tres meses mas con xente). Esto de les meses tamien ye un detalle, porque los camareros debien tar aburrios y mas que tar enriba nuestru nun facien, lo que fastidia un güevu que nun te dexen charrar con tranqulida.

Dando-y tolos marxenes del mundiu al sitiu y col bon rollu que siempre tenemos cuenado salimos (como pa non!!) dexamos les coses correr y centremonos na carta.
De primeru, pa compartir, pidimos una ensalada de bugre, que taba correuta, ensin mas,, muncha meyor pinta que tastu. Trocinos de mariscu (si, sedria bugre) con berros, llechuga, tomatin, bono, bien presenta, pero ensin mas. Ya, pa chanos rir del too, traennos un convoy de los de menu del dia. Va, nun ye que m'importe munchu, pero si vas salir a 50€ por cabeza podien tener meyores detalles.

Nosotros a lo nueso, a esfrutar de la nuechi y a ver pasar platos. De segundu pel otru llau de la mesa viniero unes zamburiñes a la plancha. Tenemos que dicir que taben pa rellambese, bona cantida d'elles y de tastu impresionante, bon tamañu y fresquines Un aciertu d'elicion.


Pela mio parte llego un sollombu de xata galega (nun-y peidi'l DNI, pero ponia que yera galega) con pataquines frites de les de verda que foi l'expediente X de la nuechi.

Mulder y Scully terien encantaos de facer un episodiu colo d'esti sollombu. Bona pinta, vuelta y vuelta, pongome a partilu y va sele, tienru (yo ya taba mas que naguando), los tres colorinos bien definios, el cuchiellu qu'entra como mantega, el tenedor camin de la mio boca (yo como'l perru de Paulov, ya vos digo) entra y.....¿y?...pues eso, cara raro que pongo y entruga al cantu "ta malu?", pues non. "Entos?", que nun ta. Na, na de na, repito'l procesu y lo mesmo...un trozu carne, ensin mas, nun tastiaba a na!!. Do-y a prebar y la mesma conclusion (yo nun tenia catarru, pero nun fuera ser). En fin, raro, xintelu por fame.
De compaña de too esto tuvo perlli un Ribeira Sacra Rengos 2007 TN barrica que acentuo mas que lo mio nun ye la mencia. Bono, si, pero nun ta fecha la boca'l gochin pa les margarites, porque pa mi, ye un vinu cansin. A les tres copes tas cansau d'el. Y esto si que ye pa garralo ente comilles!!!. Prestaronme les dos primeres copes, la tercersa foi baxando y les caberes fueron ya col tastu cansin, pa mi que me pasa casi siempre cola mencia, mas que cola D.O. en particular.
Pa finar un par de cafes con xelu y un par de moscateles por 49€ por cabeza, que yos-daran pa camudar el convoy de l'aceite.
En resumen, al dia siguiente xintamos nel Parador y l'atencion y la xinta camudaron pa abondo meyor, en cualisquier forma, a O Grelo teneis que dir si tais per Monforte porque igual nun tenien el dia ya que comenten que ye la meyor cocina al sur de Lugo.