lunes, 7 de febrero de 2011

Casa Zabala (Xixon)




Hai sitios que fain que t'escaezcas de males esperiencies. Un dellos ye Casa Zabala, ¿que'l dia anterior xintaste de pena o nun tuvisti agustu?, pues nada, tira al dia siuiente pa equi y ya nin t'alcordaras de la mala comida.
Hai qu'aprovechar los momentos de lliberta infantil pa salir un plizcu de nuechi y equi finamos, n'un clasicu de la hosteleria xixonesa.
Llocal clasicu, bien decorau con dalgo de piedra, paredes en tonos caldios y lluz tenue. Lo unico que choca n'estos tiempos ye l'uniforme tipu monxil que yos-obliguen a poner a les probes camareres, horrorosu, la verda, creo que deberien dir a ver delles charres de Ferran Adria agora que patrocina nun se que marca de ropa cocineril.
Al casu, atencion de lluxo que nun yera dificil si tenemos en cuenta qu'a les 22:00 de la nuechi nun habia mas que tres meses, eso si a les 23:00 tenien 3 o 4 meses mas, por cietu ¿soi yo que toi avieyando o cada dia la xente va mas tarde a cenar?.
La cena entamo de forma impresionante con un guisu de setes xabaces con viera (semeya un) que ya nos llevaron emplatau pa ca un y que taben pa rellambese y facer barquinos col pan. Cuidadin los hipertensos qu'esti platu tenia abondo sal. Tastu bien llograu ente la mar y la tierra que daben ganes de repetir.
N'un sitiu asina solo pue date por pedir pexe asina que pela mio parte tireme por un besuguin al fornu (semeya 3) que vino con unes pataquines cocies de compaña. Al besugu solo y-faltaba una pertiga pa saltar del platu. Tanto de frescu, como de puntu de cocion taba perfeutu, ensin embargu tengo de dicir que la salsina taba un poco floxa y nun taba a l'altura del productu y dexome completamente indiferente. Pero'l pexe, que pexe!!! uhmmm, que rico, amas de ser una racion contundente.
La muyer dio-y a una furagaña con güeves d'oricios que foi un platu absolutamente redondu. Ensin peros, de 10. Dos bonos llombos de furagaña (semeya dos), perfeutos de too (puntu y testura) con una salsa de morrer de gustu a la que los oricios y-daben personalida.
¡¡Lo mariñan invadianos!! asina que tomemos un Mar de Frades de 2009 de compaña. Un alabriñu comercial pero que tien un calter que me gusta munchu, polo menos esta collecha. Un par de cafes con xelu y una mini-botella d'agua por 51€/persona. La verda que xintamos estupendamente n'un sitiu perafayaizu, pa repetir.

8 comentarios:

Zuhur dijo...

Siento doble alegría D. Fartón: la primera porque se percibe claramente que disfrutó mucho de la cena y la segunda porque su grata experiencia significa otra buena referencia para este restaurante que, casi con seguridad, visitaré antes de finalizar esta próxima primavera.

Cordiales saludos.

Fartones dijo...

Pues visitelu, visitelu Don Zuhur y ya me contara como sal y si y-presten los uniformes que yos-punxeron :-).
Pasemoslo perbien. Si pasa per Asturies, nun escaezca d'avisar a ver si tamos perqui.

Jorge Díez dijo...

Este sitio es de los que tengo pendientes hace mucho. Le perjudicó la época dorada, en que había locales más innovadores, así que este clásico siempre iba quedando ahí, para otra vez... Quizá sea hora de refugiarse en lo seguro y por fin le llegue su oportunidad. Las opiniones en general son buenas. Ahora sumo la vuestra.

Fartones dijo...

Eso ye lo que ye. Un clasicu, de los que ultimamente frecuento porque tan prestandome asgaya.
Bona comida, bon dia. Recomendable, a ver que tal te sal a ti.

Toni dijo...

A mi Casa Zabala prestoma asgaya la vez que tuve. Unos calamares de potera de llibru y unos pescadinos sencillos pero muy prestosos.

Fartones dijo...

Si, la cocina ye cenciella, pero ye perprestosa. Esos calamares taben llamandonos al mirar la carta, pero al final cayeron les setes :-)

Sibaritastur dijo...

Menos mal que dices que ye besugu porque sin abrir la foto y en primer vistazu yo diría que llera lubina.
a priori parezme un sitio de "preciu alto".
Ese Toni que habla mas abajo ye el Toni diletante?, jajajajaja, nunca lo había visto falando asturianu.

Fartones dijo...

Sibarita
a) si, ye Toni Diletante, equi siempre fala n'asturianu :-)
b) Yera un besuguin como la copa un pino, la furagaña la de la mio muyer jeje.
caro, caro...baratu nun ye. Pue xintase lo mesmo igual de rico y mas baratin na Casa'l Parque, pero tampoco ye'l mesmu chigre, nel sen de que nun ye tan afayaizu. Too se paga, y digo yo que'l uniforme de les neñes tien que salir tamien de dalgun sitiu :-)