martes, 29 de enero de 2008

El Bodegon de Teatinos (Uvieu)

Por poneme un martes a escribir, voi comentavos d'esti chigrin que me presta un monton n'Uvieu. Chigre prestosu, como son la mayoria de los que pongo equi, que pa eso ye esta paxina, nun pa poner el primeru que se m'antoxe. Ta bien decorau, con mera de color prieto y cristales, a mi recuerdame munchu al estilu aleman, porque tien como reservaos pa xintar ente les meses. Amas, tien una parte de vinateria que ta mui prestosa y ambientes pa fumadores y pa los que non, colo cual tampoco hai escusa pa non dir. La cocina ye tradicional, ensin complicaciones pero con un toque propiu. A mi gustame munchu el tucu guisao con pataquines que tienen, dan-y'l puntu y tamien el pitu caleya. Les especialidaes de la casa, visto lo que vos acabo dicir, nun son otres que los guisos. Equi podeis xintar unos bonos callos, una bona fabada, pote...vamos, tolo que xintamos cola güela, que si nun ties el tupper a mano pa llevatelo pa casa o pasa de ti (esto ye ciencia ficion, ya sabemos que les güeles nunca pasen de ti!) y tas per Uvieu, esti chigre ta perbien pa ponese fartuquin. Por ciertu, como tien vinateria tien una gama de vinos amplia. El casu, una zinta decente, pitu y tucu con un entrante y un vinin de Toro (Elias Mora) crianza, saldreis alredor de los 30 € persona. Hala, un mas pa apuntar.

2 comentarios:

Fernando dijo...

Meca, yes X.N. ¿non? Seguro que sí, porque según lleo paez que te toi sintiendo falar: esi estilazu ye inconfundible. Meca, cómo me presta ver que por fin tas faciendo aquella guía gastronómica d'Asturies cola que nos amenazabes :-)
Conque nada, munches felicidaes y a siguir asina. Equí tienes un siguidor fiel d'esti blog.

(Por cierto, el cast. "codillo" ye TUCU n'asturiano)

Fartones dijo...

Hola Fernando, pues va ser que X.N nun me coinciden con na, bono, la X entovia, pero veo qu'hai mas xente que tuvo la mesma idega, yo tamien amenace con facer esta guia y equi toi. Prestame que a la xente-y valga la pena!. Gracies polos animos y ah!! ya ta "tucau"'l blog :-)