jueves, 10 de enero de 2008

La Casa Mexicu (Xixon)

Yo creo que casi toos conocemos esti sitiu, pero por si acasu hai despistaos, habra que ponelu. A mi prestabame mas cuando taba nel primer sitiu elli, na cai de la playa, piquiñin, perafayaizu, vamos, que'l problema yera mas alcontar sitiu y el calor que pasabes, pero tenia mas encantu qu'agora que ta n'un sitiu mas grandon y menos afayaizu. Eso si, agora tienen al mariachi dando vueltes perlli tou'l ratu, que-y da un aire (nel otru llocal como nun lu xubieren a la barra, nun se yo onde diba cantar el campeon). Lo dicho, como restaurante mexicanu sigo pensando que ye lo meyor qu'hai n'Asturies y parte l'estranxeru. Lo tipico ye entamar con unos nachos con quesu y carne que tan perbonos, siguir coles cazueles de barro de pitu y carne que vienen coles tortielles o coles quesadielles o les enchilaes, la verda ye que ta too rico, si vos gusta la comida mexicana. Prebai les margarites y xintai colo que querais claro, pero la sangria de tequila ta bona, diferente a otros chigres mexicanos, polo menos. Pa finar les llambiotaes parecenme demasiao dulces, pero al que-y presten, pues a ello. Pa finar, tequila reposao pal cuerpu. Nun ye caro, rondareis los 25€ persona. Güei toi semau nel blog. Lo dicho, afayizu nun ye, pero xintase bien

4 comentarios:

ayalgueru dijo...

oye ,,, nun tuve na casa mexico pero tienes un blog bien orixinal y prestosu les coses comu son.

Toy esperando el to "review" de los mis sitios favoritos de xixon "

un saludu

Jesusito dijo...

Esti nun ye'l que ta onde la escalerona? Si ye, la verdá que tuvi una vegada y cené como dios. Amás, baxáronnos a una especie de reserváu que tienen nel sótanu, que sí que ye perencontradizu. Ye pa comer mexicanu de verdá, y nun la basoria chunga esa precocinada que sirven en comederos tex mex

Fartones dijo...

Si, esi mesmu. Veo qu'hai mas xente que piensa que nos Tex-mex d'Asturies nun se xinta bien

Fartones dijo...

Segun espies de la mio confiazna el sitiu perdio mas que les marees. Debe ser por tar tan cerca de la playa. Agrdezcovos a toos si faceis revisiones nun seya que nos llevemos sorpreses como Ca Zoilo o esti. Ta llueu