De Labra (Santana d'Abuli-Uvieu)

Esta vegada llevonos per esti chigre un tacu de Ticktes Restaurante con fecha de caducida de fin d'añu, asina que, con munchu esfuerciu pal nuesu butiellu totalmente fartucu con estos dies de folganza ñavideña, diriximonos a xintar de "bladre" (que ye lo que paez al pagar asina) y de pasu aprovechar pa actualizar la entrada ya que'l post que tenia del chigre taba ensin semeyes. La pena foi'l Tepanyaki, creimos que diba tar enllenu y nun acutamos pa el, otra serie de tickts sedra. Pal que nun lo conozca una de les meyores coses que tien el sitiu ye la zona de bar, presta tomar delles bebides enantes d'entar a xintar. Dientro del comedor, la mesma decoracion de siempre, modernina pero caldia, musica chill out de fondu y a disfrutar. D'entamu la casa un tartar de quesu provolone con frambueses y piñones, rico. El nuesu entamu foi un salteau de gambes y setes (lepiotes), la verda que mui rico, perbones les gambes y les setes bien preparaes too cola cantida d'ayu xusta (semeya un). Pela mio parte un sollombin de güe con pataquines en cuadru, sele, tienru, mui poco fechu (tal y como lu pedi), mui clasicu menos la salsina de curry que taba n'un llau del platu y que prebe por saber que yera (semeya dos). Pel otru llau de la mesa un cogorote fresquin de merluza, bona cantida, frescu y bien preaprau, primero pela plancha y dempues un toque de fornu, pal que-y preste la merluza perbien, ye qu'a mi ye un pexe que nun me diz na (semaya tres). Fallaron coles pataquines a la panadera que facien compaña nel platu, poca sarten y munchu fornu...vamos, la mayoria taben dures. Les raciones son abondo grandes y la cocina abondo clasica, pero prestosa (debieron camudar el cocineru pero esti añu xinte bien les dos vegaes que fui). Tuvo pela mesa charrando con nos un Murua Reserva 2001 un vino qu'entraba bien col pescau y la carne, aviso que de tastu ye un poco sele (un tanto amariconau) pero bie, agotelu...moslu?. Echase de menos una carta mas grande vinos, por ciertu. De postre mi Pedrin Ximenez que, por fin, faise un güecu con una semeyina pa el. En total un poco menos de los 90€ en tickets, pero como nun dan vuelta. Bona relacion calida preciu. Feliz añu!!

La Corrada L'Obispu (Uvieu)

Facia tiempu que nun pasaba perqui, mas porque nun coincidio bien que por ganes, pero mira tu, la xinta de Ñavida d'esti añu cayo equi. Vais disculpame por delles semeyes, pero ye que'l movil que saca les bones ta pal chatarreru, asina que les de movil son mui males. La Corrada L'Obispu paezme un sitiu afayaizu, quiciabes pol amestu ente maera, piedrina, el que seya una casa vieya en meta d'Uvieu, nun se, ye un sitiu nel que toi agustu y eso que llegamos y nun habia naide, anque poco a poco fue enllenandose'l chigre. D'entamu la casa punxieronnos una "copa" de garbanzos, digo copa porque yera lliquida, nin mouse, nin crema, nin na, el chinu pol que los pasaron debe tar mayau porque dexar eso asina debes ser trabayoso hasta pala Termomix. Nos pidimos pa compartir xamon, rico ensin mas, crocretes de xamon y quesu cabrales, correutes, mas bones les de cabrales que les de xamon, pal mio gustu. El problema que teo coles crocretes ye que dempues de xintar les de Casa Marcial, les demas nun son lo mesmo, pero bien, rebozu finu y sele col rellenu de calida. Anchoes del Cantabricu con una base de pimientinos y quesu, pa dai color, porque lo importante yeren les anchoes que taben perbones, nel so puntu de sal, ensin les fastidioses espines, perbones. Anque pa mi lo meyor de los entamos fueron les molleyes de corderu (semeya un). Fai tiempu preparabenles con un pelin de rebozu y pataques a lo "paya", pero esta vegada taben pasadines pela plancha con un plizcu de xamon, unes pataquines a la panadera y un poco d'una salsina con reduccion de vinagre que-y daba a too un puntu perbono. De segundu podemos dicir que habia varieda, nel mio casu un besuguin al llombu (semeya dos), mui frescu y nel so puntu de cocina, con una salsina tipica de "al llombu", aceitin, sal, un pelin d'ayu y llimon. Solo un problema, les salines de Torrevieya quedaron vacies dempues de los tres besugos de la mesa, afortunadamente solo yera la parte de la costrina de riba (y nun tanto como pa vaciar salines), pero obligonos a toos a furar per baxu pa tastiar bien el besugu y pillar lo menos de riba posible en cada "tenedorazu", lo que nun quita pa que'l besugu tuviera perbono, solo que yera dificil de xintar :-). Polo que vi na mesa, y lo que me dixeron, el sollombu al fua taba pa rellambese (y la experta en ellos diz que taba too perfeutu de puntu y que daba gustu xintar esi platu-semeya tres). Los entrecots nun me dieron bona pinta, grandes y venien col puntu que ca un pidio, pero paeciome que yeren demasiau ñerviudos (falar por falar, porque nun los prebe). Los pil-pil de bacallau nin me dio tiempu a velos na mesa, colo que deduzco que malos nun taben. El mio postre ya sabeis, un PX, pero pela mesa circularon frixuelos rellenos de mazana con caramelu de regaliz (polo visto dulzayos, pa llambiones mui llambiones, qu'ensin el caramelu de regaliz tarien perfeutos), cuaya(tenia bona pinta) y mas coses que como nun me llamen l'atencion, pues nun me quedo con elles. La compaña ficimosla colos catalanes de Les Terrases 2004/2005, nun falla. Lo de 2005/2004 ye'l toque al camareru, qu'andaba cambiandonos la collecha'l vino y amas taba emperrau en rellenar les copes de vino de la botella anterior cola botella qu'acababa d'abrir, a ver, que tamos n'un sitiu de nivel, eso ye pasable en dellos chigres, equi ye pa da-yos un toque, piquiñin, nun nos pasemos, porque too lo que yo tome taba perbono. Chupitos, cafes y'l preciu que se mantien colos años, debe ser la crisis, unos 56€/persona y eso que'l vino taba pasau de preciu. Lo dicho, un sitiu que me presta pa estes ocasiones especiales, nel que se xinten raciones abundantes y y riques n'un sitiu perencontradizu.

Los Llaureles (Miangues-Cabranes)

Esti fin de selmana salen dos posts, esti y'l de la Maleta'l Llocu, espero que vos gusten. Salu!

La costume ye la costume y si un dia ta guapu y nos da por tar per Cabranes, nun hai na meyor qu'entamar col vermutin con angostura y corteza de naranxa del bar tienda de Ca Suarez en Santolaya, hai costumes que nun se deben perder. Dende ehi tiramos pa Miangues, pueblu que tuvu abandonau nel so momentu y qu'agora, amas de vecinos, tien una casa de turismu rural na que preparen comida hispano-cubana (gracies a Mickelson por bloguear esti sitiu, ensin dulda un sitiu perprestosu). Al acutar el dia anterior daste cuenta de que ye un situ especial, de manu avisaronnos de qu'al ser festivu esi dia y'l siguienti, nun tenien muchu qu'ofrecenos, asina que zarramos el menu por telefonu y quedamonos ensin prebar el menu cubanu, pa otra. Al pueblu llegase per una pista dende Torazu, unos 800 m (ideales pal mio coche, madre mio que botes) en llegando alcordamosnos, instintivamente del xapones de Fuentes, una casa de turismu rural con cocina diferente, n'un sitiu perguapu, y tamien del porque del nome (Llaurel dizse en poques partes d'Asturies, pero si, hai tres lloreos descomunles de lantre la casa, un d'ellos d'unos 150 años!). Como ye obligacion, na casina por dientro predomina la maera, el termochip y la piedra, pero con muebles mas modernos que nun recarguen la casa, col comedro nel mesmu llugar que'l salon. Tabemos solos asina que Josa (el dueñu) sentonos na mesa mas grande que tenien (pa ser dos podiemos xugar al fubol elli). D'entamu la casa punxieronnos morciel.la dulce canaria, perbona, diferente col toque canela y les almendres y un pate de frutos de mar con alcaparres perbono (semeya 2). De primeru ensalada de parmesanu con tocin fritu, ñueces y llechuga, traxeronnosla en dos platos distintos (semeya 3) y les raciones nun yeren piquiñuques, nin de lloñe, asina que los fartones, tranquilos. De segundu un par de dorades de racion, de pisifactoria, pero bien fresquines y bien orixinales, rellenes de verdures en trocinos piquiñucos y un pelin de chorizu. Amas, a mi nun me gusten los pexes cocinaos con nata, pero teo de dicir que les dorades llevaben un pelin de nata, la xusta, pa poder disfutar del sabor del pexe y amestar tou'l rellenu, perbones y orixinales, con unes pataquines frites piquiñines per riba. De postre (yo un soi llambion, pero venia incluidu) pudding de frutes, un flan con trocinos de pases y otres frutes, pa mi bien porque nun yera dulzayu. La carta de vinos ye curtia pero ta bien, nosotros (yo mas bien) bebimos un Ribera Crianza 2004, La Obra, que nun conocia, pero que mos presto que nos lu presentaren. Gran sitiu, perprestosu al que volveremos y ah!, cafes y vino incluidos, 27,5€/persona!!

La Maleta'l Llocu (Xixon) por Maria Iglesias

Si, ye una periodista, pero tien trucu, ye la mio hermana qu'estrena collaboracion nel blogue, eso si, nun m'atrevi a tornalu por mieu a que perdiera el estilu, lo escrito, escrito ta.

“Los callos los hicieron esas dos señoras de la mesa de al lado”. Las mujeres se dan por aludidas y sonríen. Por el entorno, el estilo del restaurante y la decoración, cualquiera pensaría que el plato va a aparecer envuelto en mil reducciones de salsas extrañas, acompañado de vinagre de no se qué y foie al no se cuanto. Pero nada más lejos de la realidad. Al tomar la primera cucharada, uno piensa “qué hace un plato de callos como tú en un sitio como éste”. Finos, un poco picantes y sencillos, al lado de unas patatas fritas, buenas patatas y bien fritas (que también es importante). Todo un descubrimiento.
La grandes cristaleras y la forma de separar la zona de tostas y vinos, de lo que es el restaurante en sí, otorgan a “La Maleta del Loco” el aspecto de vinatería un tanto snof y delicada. De lo que además el sitio hace gala en verano al colocar una inmensa terraza con sofás, velas aromáticas, y mesas al borde del suelo en un estilo chill out ibicenco. Marketing puro y duro para acompañar a la zona (una de las más pijas de Gijón), pero que suplen con una carta de buena calidad.
No en vano son los mismos dueños del restaurante “La Tabla” (Fano), que han querido darle a “La Maleta del Loco” un estilo más sofisticado. Pero un buen restaurante no se logra con el ambiente, sino con una buena comida. Y lo han conseguido. He de decir que aunque me dejo caer muchas veces por allí, soy de ideas fijas, así que no tuve ocasión de probar demasiadas variedades del menú.
De primero, lo mejor una de los cuatro tipos de ensalada (mis favoritas: manzana y bonito), también ponen unas croquetas con jamón de Joselito muy bueno. De segundo, carrilleras que las presentan con una salsa de vino tinto y puré de patata, acompañamientos que no estropean el sabor de la carne. Para quien le guste el postre, sin duda, un volcán de chocolate. Como ya dije al principio, ésta semana descubrí los callos, hechos de forma casera por dos vecinas de Viesques “de toda la vida”, como dicen aquí en Gijón.
Para beber, lo más recomendable es pedir vino, ya que el sitio se presenta como una vinatería. Una de las paredes del restaurante es una gran bodega repleta de mil variedades de vinos. Así que la carta es amplia. Un fallo: Son vinos la gran parte desconocidos, por lo que te tienes que arriesgar. A quien le guste probar nuevas bodegas es el sitio perfecto. Yo suelo acompañar mis carrilleras con un vino que se llama “Convento de San Francisco”, un poco suave, más bien maricón, pero que está rico. (Hay que tener cuidado al pedir porque al haber tantas variedades de vino como te despistes con el nombre del santo puedes acabar fregando los platos).
El precio suele rondar los 72 euros dos personas (con postre y café incluido). El ambiente muy agradable, un tanto pijotero, pero familiar una vez que ya te conocen. En ese sentido, el personal no es nada estirado. La decoración es cálida y a la vez moderna, ya que se come en un buen restaurante, pero con manteles individuales de papel"

La Corte de Llugas (Llugas-Villaviciosa)

Dies tristayones de lluvia que tienen el so encantu, a la fin tamos na seronda, non?. El casu ye que con estos dies nun apetez dir mui lloñe de casa y a la vera hai un hotelin de turismu rural (de los que pertenecen a Casones Asturianes) del que sintieremos falar perbien y como lo qu'apetez con esti tiempu son sitios caldios y afayaizos, pues alla que fuimos. Sitiu perguapu pa pasar un fin de selmana y nel que ya vimos que tenia terracina pa tomar una botellina de sidre, en viniendo'l bon tiempu. Nun mos defraudo, baxando les escaleres atopais una barra, a la manzorda el chigre pa'l cafe y a la mandrecha'l restaurante. Puestu'n maera, piedra y pintadin con un color caldiu tenemos un restaurante tipicamente rural. Cuadros bien escoyios y contando histories de los reis asturianos (un tantu inventaes :-) ). Tal y como pensabemos, con esti tiempu habia dos meses ocupaes, una de xente agospiada elli y la otra la nuesa, lo cual resulto perfeutu pa que la nena caminase per tolos llaos ensin molestar a naide :-), por ciertu, si teneis nenos piquiñucos llevai la trona portatil qu'elli nun tienen. Enantes de xintar tomamos un vinin, primer detalle, pido un tinto y entrugame si quiero un 200 Monxes reserva, y gratis, sobro d'una cena del vienres y la botella taba pagada, asina que si m'apetecia tomar esi, convidabenme, quien diz que non?. A lo nueso, chigre de cocina asturiano, cenciella, ensin complicase, nin la vida, nin la tiesta, eso si, con productu casero de la zona. D'entamu tortos variaos, un con picadiellu per riba, otru con xamon fritu (la morciel.la, qu ye lo normal, finose-yos), otru con crema de cabrales y un de güevu. Tortos seles, ricos, el güevu de color naranxa (vamos...del super, h.e, h.e) cola yema pa moyar n'ella, el picadiellu ensin na de grasa con munchu tastu a chorizu, el xamon nun lu prebe y'l de crema cabrales perbono. La crema yera persele polo que tienen d'amestala na casa, nun conozco denguna crema de mercar asina, aciertu d'entamu. De segundos, per un llau esparragos rellenos de llangostinos con crema holandesa y pal mio llau entrecot de xata con pataquines. Yo soi de sollombu, pero nun habia güei, en cualisquier casu nun foi mala eleccion, bona racion con pataquines de verda, mas fechu de lo qu'a mi me gusta, pero que nun quita pa que tuviera mui rico. Los esparragos dixeronme que bien, yo solo prebe'l gratinau de quesu cola salsa holandesa (lleva mayonesa y nun sabria dicir que mas) y taben ricos. Cafetinos y La Montesa d'Herencia Remondo Crianza 2005, vinin sele pero con munchu tastu a pipa, prestosu, bien prestosu. La carta de vinos taba un poco curtia porque faltaben munchos de los llistaos, pero tando esti nun fai falta dir a la gueta de munchos mas. 39 €/persona, bien de RCP. Bon sitiu pa venir y disfrutar en dies como esti de una bona califacion y una bona comida n'un sitiu tranquilu y afayaizu (con musiquina per baxo). Besinos pa toos.

L'Alacena de les Monxes (Granada - Andalucia)

Toi entamando a quedame ensin sitios n'Asturies, eso ye broma, qu'entovia hai munchos y perbonos que prebar, pero si que cada vegada complicaseme mas dir, asina que, tando solu, entamo a conocer un monton de sitios perprestosos, a los qu'añadir los que ya conozco y, que si repito, entamare a bloguear. Quiero dicir con esto que queda naugurada la seccion "Restu l'Estau". Na meyor qu'entamar por un de los restaurantes de Granada qu'abrio esti añu con una estratexa pernidia de bona calida (paez ser que'l primer cocineru consiguio dos estrelles Michelin tando nel Atrium de Caceres). Sitiu perguapu que foi alacena d'un conventu de monxes tien una parte de vinateria y'l restaurante n'un sotanu con arcos en lladrillu y nun aptu pa xente mui alta :-). D'entamu la casa punxieronnos una crema de calabacinos mui rica, anque nun tanto como la del otru dia na Tabla de Fano. Pola nuesa parte pa compartir tiramos de tartar d'atun colorao d'almadraba con xenxibre y soya que taba perbono (semeya 1). Trozos mas grandes de lo normal pa un tartar pola cenciella razon de "que se vea que ye atun del bono", la salsina sentiase como una mostaza de Dijoun pero persele. Esto taba bono y sedra la especilida de la casa, pero si vais nun dexeis de prebar el segundu platu de compartir que se pidio, "alcachofes fresques con fua", madre mio, qu'alcachofes (o kokotxes como diria algun amigu nuesu ensin querer...). El cocineru y metre expliconos como les facia, nun lo apunte, pero algo asina como envasales al vaciu y cocinales casi'n frio durante munchu tiempu. El casu, amas del tastu de les alcachofes col amestu del fua, la preparacion dexaba que les alcachofes fixeren "crunch crunch" na boca, d'escandalu, la verda. De segundu sigui col atun, magar de tar en Granada y nun en Cadiz n'esti sitiu tienen un atun que se funde'l misteriu y asina xinte dos cachos de llombu mui poco fechos que se desfacien na boca, perxugosinos. De compaña anduvo perlli un Ribera del Duero, nun m'alcuedo'l nome (nun lu escoyi yo y dempues d'enseñalu llego a la mesa decantau, asina que...) bona eleccion, en cualisquier casu. Un PX, un GT y un cacharrin de Pampero pasaron pela mesa, pero nun m'etrugueis pola cuenta, tampoco paso poles mios manes. Gran sitiu si quereis sorprender en Granada.

La Tabla (Fano-Xixon)

Ya se, ya se, nun suelo repetir sitiu, pero ye que les coses bones bien merecen repetise. Dende'l RIP del Noceu, el sitiu de referencia cerquina de casa ye esti, y cuando güei nos propunxeron dir a la Tabla, dempues d'un tiempu ensin pasar perlli, los güeyinos chispeabennos. Acutamos na parte de la galeria (la de non fumadores), magar de ser un sitiu estrechin, ye'l que mas me presta poles vistes al prau y polo afayaizu, amas que güei permitianos tener llindada a la nena ente toos. De l'atencion y los detalles nun voi falar, porque como siempre, estupendos. De la xinta (teneis que disculpar les semeyes pero nun tenia'l movil a mano asina que podeis veles nel otru post del sitiu que teo), que vos voi dicir, impresionante too, productu, mano na cocina, en fin, too. D'entamu la casa punxieronnos una crema de calabacin con almendres, mira que los calabacinos nun me dan mas, pero taba pa morrese. Pa compartir ente nos xamon, perbono anque nun lu faigan ellos, escueyenlu. Dempues salteau de setes de temporada con güevos de cogorniz (por ciertu traxeronnosles emplataes por separau) que fueron una sorpresa mas que prestosa. Les setes nel so puntu de sal y saltu, sabroses y col güevu pa moyar (y mira que siendo tan piquiñucos ye dificil eso, vamos, polo menos facelo'n casa jeje). De segundu yo tome presa d'ibericu como a mi me presta, poco fecha cola compaña d'una salsina d'arandanos que redondeba'l platu, carne xugoso y que se desfacia na boca. Pela mesa tamien circularon un carre de corderu llechal que nun prebe pero que tenia una pinta increible y a la que punxieron realmente bien. Una furagaña al fornu con verdures y berberechos, que si que prebe y que sabia a pexe y mar, perbona, y un par de rodaballos, un con salsa de llampares y otru a la plancha. Yo prebe'l de les llampares, curiosu amestu que potenciaba'l tastu a mar del bichu, tolos pescaos frescos non, perfrescos. Por ciertu, alcordabame que les raciones yeren curioses, pero güei sorprendiome'l tamañu, relamente grandes. De postres circulo un bizcocho de chocolate con chocolate derretiu per dientro, que hai de pidir al entamar la xinta. Perbono y cola fartura correspondiente compartiose ente 4. Cafes, un par de misteles prietos y un cacharrin de Pampero foi'l restu. Tola compaña nos la fizo un Sierra Cantabria collecha privada 2006, un vinin perbono, mas bien coyonudu. La relacion calida/preciu tamien me sorprendio, siempre ye bona, pero güei, nun se si sedra la crisis o la competencia, foi estupenda. Teniendo'n cuenta que mas de 1/3 de la cuenta foi'l vinu, 62€/persona tan perbien, con un vinin mas baratu andariemos alrodiu de los 50€/persona. En fin, un gran sitiu al que nos sigue prestando venir. Off-topic total, espero contar con dos collaboradores en breve de vegada en vegada, la mio hermana y'l mio collaciu Xuanxo, que va metese pal llombu un viaxe'l xapon y prometio unviame croniques de xintaes xaponeses. Besinos pa toos/toes.

El Barrigon de Bertin (Llastres-Colunga)

Pues si, El Barrigon. Sabeis eso de culo veo, culo quiero?, pues eso. A esti sitiu teniemos-y ganes dende l'aniversariu del añu pasau, onde decidimos ente Eutimio o esti, pero ya que'l Guah.e vino l'otru dia y, a la primera de cambiu, presentosenos la oportunida y equi que vinimos. Ya quixiera tener el problema que tien Llastres dende hai un tiempu, ye como'l entrenador de fubol que nun sabe si poner a Beckham o a Senna (ya se que nun xueguen nel mesmu equipu...entendeime!!), vamos, que si xuegues al ataque o defiendes un poco mas, pero col mesmu resultau (Barrigon-Eutimio). Al casu, güei que tabemos solos apetecianos pescau, La Casa'l Parque, Casa Nino y dempues de lo del Guah.e, el Barrigon. La eleicion foi estupenda. Sitiu modernin y afayau nel qu'hai una mesa que nun cumple los estandares (una de dos persones en meta de la sala), pero que si nun tas ehi, tas bien en cualisquier de los sitios que te pongan. Amables (un exemplu, decidimos parar 10 minutos antes de la hora d'acute, pa dicir que tomariemos perhi una botellina de sidre primero y nun tuvieron problemes en guardanos el sitiu unos minutinos mas) y con bon serviciu. D'entamu la casa mantega d'anchoes, mui rico, bona mantega con gran tastu a anchoes, punxeme como'l quicu porque tome lo mio y lo de Marta. D'entamu pa compartir ensala de foa con parmesanu. Esquisita (semeya 1), de lo meyor, l'aliñu con toques de frutos coloraos d'esos ensin escaecer lo del platanu fritu, o la cebollina frita'n tires o les pataquines a lo paya y, por supuestu, el foa en tires fines y'l parmesanu per riba la ensala. De segundu, pa mi pixin con llangostinos, im-presinonate (dos pallabres), pixin nel so puntu (y mira que'l pexe ye "gomosu") con una salsina y unes pataquines a la panadera que taben pa moyar y los llangostos perbonos (semeya 2). Pero la sorpresa fue'l rubiel al llombu de Marta, bufff, tremendu. Sal, aceite, un pelin d'ayu y pataquines a la panadera un bon cachu de llombu y a fartase, lo dicho, tremendo, notase la calida del productu. De compaña un Santiago Ruiz 2007 y de postre....de postre yo?....un McAllan 12 (bona carta güisquis, por ciertu) y nun conduzo a la vuelta, claro. 42€/ persona, perbien, la verda. Pues gran sitiu y gracies al Guah.e por danos l'impulsu de dir :-), ya digo qu'en Llastres hai onde escoyer.

El Palaciu les Ñeves (Llangreu)

Ya que taba pela zona del Nalon habia que pasar a xintar per esti hotel SPA de cuatro estrelles, que nun lleva munchu tiempu abiertu, a prebar el restaurante. El Palaciu les Ñeves ta n'un altu mirando pala Felguera y'l poligonu de Valnalon. Nun ye'l sitiu mas idilicu del mundiu, pero ta bien montau con un aire retro, que pue gustar mas o menos, pero que nun ta na mal, ye mas, a mi gustome. Les cortines corrides, pero que dexen pasar la lluz, y la musiquina sele per baxo dan-y un aire tranquilu a tola comida que permite tar relaxau. Serviciu profesional y atentu ensin agobiate, lo que ta perbien. Yendo a lo nueso, d'entamu de la casa punxieronnos una "cucharina" con un trocin de ventrisca de bonitu, un tomate cherry y too regao en salsa d'ostra (esta nun la note, pero too taba rico). D'entamu pa compartir (bien emplatao por separao) gambes endolcaes en panceta de "joselito" (el que cantaba non, homes!, l'otru, el de los gochos). Presentacion orixinal, platu rico, pa mi sobraba la cama de salsa rosa que diba per baxo les gambes, pero quites les gambes d'encima y puntu. Gambes grandes, gordes y poco feches pa disfrutar del tastu. De segundu, por conseyu del metre, tiramosnos pol pescau, pa mi meru con amasueles. Fresquin, mui fresquin, y les amasueles grandes y sabroses. La verda que rico, la racion nun taba mal (semeya 1), bon puntu de sal con una salsina d'ayu y aceitin perbono. Dicivos tamien que son de los que tienen varios panes a escoyer, detalle qu'a mi prestame abondo. La compaña agua (y eso qu'estropia los caminos, pero...) y una copina de San Campio 2007 (ye que solo agua..., una copina, que menos!). El sitiu prestosu y de bon productu. Por pone-y un par de peros a la comida (perinos mas bien, de los que siempre pongo cuando'l chigre ye de los "caros"), per un llau los segundos (entrugue-y al compañeru de mesa) llegaron los dos templados, tirando a frios (eso nun me presto munchu) y lo de siempre n'estos sitios (habra qu'avezase a ello!), pal mio gustu los pexes dexenlos siempre un pelin menos fechos de la cuenta. Ya sabemos que'l pescau nun pue tar pasau, pero si va tar tirando a crudu tien de venir como nos xaponeses, ye dicir, en cachinos piquiñinos, un llombu como'l de la semeya tien que tar mas fechu ensin tar pasau, polo menos pa mi, magar que tabaa bien rico. Un par de cafes y'l preciu tirando a altu, teniendo'n cuenta que nun teniemos vino (una copa), 37€/persona. En cualisquier casu ye una bona referencia pa prebar porque la RCP ta ehi, ehi :-)

De Floriana (Molinaseca-El Bierzu)

Creo que nun ye un mal momentu pa entamar con chigres de fuera d'Asturies, anque pa ser fiel al mesmu, creo que solo voi poneme con sitios d'onde, polo menos en parte, l'Asturianu tea presente, como ye'l casu'l Bierzu onde hai zones de fala astur-llionesa, gallega y castellan. Pa nun entretenme mas, paezme bien entamar con esti restaurante perguapu situau n'un hotelin de turismu rural en Molinaseca. El Floriana ye un hotelin qu'amesta lo rsutico y lo moderno y amas, dixeronnos que tenia fama de tenr una de les meyores cocines de la zona, y nun fallaron. Aconseyase acutar anque teas nel hotel, porque nos fines de selmana ta siempre enlleno. Tien dos zones de restaurante, la mas guapa y afayaiza ye la que ta na entra del hotel, una zona acristalada que da pal verdin que tien delantre, perguapo. D'entamu de la casa punxieronnos unos champiñones enteros con ayin perriba, mui ricos. D'entamu pa compartir escoyimos la ensala de perdiz n'escabeche, rica, pero normalina (semeya un), con esto quiero dicir, que hai vegaes que los nomes de los entrantes nun puen ser "ensalada de perdiz" (como comprobamos al dia siguienti cola "ensalada de ventrisca") mas bien ensalada con perdiz n'escabeche sedria meyor. Poca perdiz, rica, n'una ensalada "florette" perbien aliñada con bonos ingredientes y frutos del bosque alreor, rica, pero esperaba mas. Los segundos fueron otra cosa, meyoraron enormemente asina como la imaxen del sitiu. Un pixin a la brasa con trigueros que prebe y taba espectacular, tanto de tastu como de testura, na gomosu y con un tastu a mar perprestosu (semeya dos). Pola mio parte tireme a la carnona, sollombu de güe como me presta, vuelta y vuelta, perbien fechu con foa perriba y cola compaña de quesu de cabra con cebollina pasadina perriba. Solo teo dos pallabre, im-presionante, dexaronlu que podies cortalu col reves del cuchiellu y roxu por dientro, el foa nel so puntu y l'amestu col quesu de cabra y la cebolla taba perbono (semeya tres). De compaña, un vinin del Bierzu, Cepas Viejas 2005 (si vos aconseyen el Gotin de Roso diciendo que ye paecio, nun faigais casu, error del segundu dia ;-) ). En fin, bon sitiu pa cargar piles un fin de selmana y salir, amas, col butiellu bien fartucu por unos 44€ persona, evidentemente, nun ye pa tolos dies, pero presto munchu.

Casa Josefina (La Cuesta-Nava)

Chigre Pesllau dende hai polo menos 2 años.

Pa entamar y enantes de postear l'otru chigre de Cecea (qu'en verda ta en La Cuesta, ente Purnea y Cecea), voi autofelicitame por llegar al post 100 en menos d'un añu, lo cual tienme fonderamente preocupau, porque esti ritmu nun se pue caltener. Agora vayamos a lo nueso, que son les fartures. De Casa Xosefina ya nun poemos falar d'un chigre, tenemos que falar d'un restaurante bien puestu. Situau de forma estratexica mirando pal valle y los montes de la zona de Cecea (hasta puen vese los Picos al fondu) la casina na que ta montau'l restaurante ta perguapa. Tien un amestu ente moderno (la bodega de vinos de la entra acristalada, la pintura de les paredes, la decoracion de les meses...) y rusticu (les vigues del techu de maera, la piedra) que lu fain un llugar realmenti afayaizu. Tien varios comedores y solo trabayen con meses acutaes, anque yendo'n xueves a meudia garraronnos a cinco ensin problemes. Tuvimos nel comedor de fumaores, espaciosu, con vistes al valle y coles meses suficientemente dixebraes ente si pa nun oyer al vecin y tener el espaciu vital necesariu. Atencion profesional, bona presentacion de copes y llega'l momentu de facer la comanda. D'entamu, el platu especial de la casa, comen 5 y hasta 18 d'el. Un amestu ente mexillones a la vinagreta, hombrinos a la vinagre, calamares, chipirones, crocretes, boles de quesu, gambes a la plancha y gambes a la gabardina (nun se si me falta dalgo). Delles coses mui riques, delles coses normales, pero too n'un nivel mediu-altu. Ente les riques, pa mi destacaben les crocretes caserines-val, nun son les de Casa Marcial, pero nun tamos pa comparances ;-), les boles de quesu cabrales (mui riques) y les gambes a la plancha. Los hombrinos taben de mediu-altu y lo demas normal, rico ensin mas. Pero ay amigu! lleguen los segundos, yo decidime por un conseyu del camareru y acerte, cebolles enllenes de papos de gochu ibericu. Platu pa fartones, 4 cebolles perbien cocinaes con los papos nel so xustu puntu de cocion con una salsina casero fecha col xugu les cebolles y'l de la carne y unes pataquines a la panadera per baxo, que taben pa rellambese. Lo del pimientu en plan montera picona nun pasa del detalle de presentacion. La mayoria prefirio pidir el famosu filete de quesu d'esta zona. Platu enorme, bono, platu non, llargerau de maera con ensalada y pataques, que nun prebe pero tenien una pinta de tar cocies primero y frites un pelin dempues. A mi los cachopos y estes coses nun me dan munchu mas (ya, ya, Migue, Fran y agora Antonio Lopez vais reñime) pero prebelu y taba abondo rico, tienru col tastu sele del quesu, grande y carne de bona calida ensin nervios, como debe ser. Postres nun tomamos porque equi nun hubo naide que llegara. De compaña (dende que dixe que nun lu tenia mui vistu poles cartes asturianes paez que me persigue) Artadi Viñes de Gain 2000, esti vinu alaves nun falla. El preciu mui razonable (nun vi la cuenta, pero vi la carta y'l filete de quesu taba mas o menos polos 15€) eso si, lo unico que los precios de bodega tan abondo pasaos, una de les razones de güei pa escoyer el Viñes foi que'l preciu yera xustu, pero habia un monton d'ellos abondo pasadinos. En definitiva chigre peraconseyable, mas caru, en "netu" que Casa Colo, pero ye que son distintos, un ye una casa de comides de tola vida y esti ye, eso una casa de comides, pero puesta como un bon restaurante. Que vos preste!

O'Dowd's (Cloch na Ron-EIRE)

Otru foriatu que nun se como s m'escaecio bilordialu. Cloch na Ron (Roundstone n'ingles) ye un pueblin mariñan que ta na perguapa zona de Connemara). Al pueblu llegamos de casualida y por eso que tenemos los asturianos de cabezones. Ta situau n'un gaeltach (creo qu'escribilo bien) y resulta que, normalmente los nomes n'ingles son onomatopeyicos del irlandes, pero nun ye asina n'esti casu y nun vimos nin un solu cartel n'ingles. En fin, si conoceis Irlanda ya sabeis de lo que vos falo coles señales. El casu ye que llegamos, pueblin perguapu, con un puertin pesqueru bien piquiñucu. N'esti pais, por raro que paezca ye percomplicao alcontrar pescaderies pa ponete a cocinar en casa o sitios especilizados en pescau a bon preciu y d'estos, sobre too que nun "maten" a los pexes con amestos raros (entovia toi alcordandome d' un chigre del norte onde tenien a una probe furagaña cocina con salsa tartara que...prubina!) y esti sitiu cumple coles dos coses. Paez un pub normal, pero tien una zona de restaurante perguapa, bien decora, con mesines de mera y con vistes al puertu. Sitiu ideal pa tar cola parexina y escaecete del mundiu mundial. Como ye complicao lo del pescau intetamoslo equi, mexillones al vapor (si, si en tando fuera vereis como chais de menos les coses mas piquiñines, la semeya). Una racion decente (nun son los luxemburgueses colo de les raciones, pero yera bona) d'unos mexillones que mas frescos, imposible. De segundu un amestu de pexes y mariscos frescos gratinaos. Daba gustu que nun tuviere una salsa matadora, yera sele y dexaba disfrutar del amestu de ñocla, ostra, mexillon, amasueles y de soyu. El platu daba la sensacion de ser piquiñucu, pero tenia mas migaya de lo que paecia y cenamos bien los dos. Un par de pintes de Guinness, un vinin de pub (esos de 1/4 llitru que son de rosca y que normalmente perqui son surafricanos, australianos o chilenos). Nun m'alcuerdo'l preciu, pero prestonos asgaya. Aprovechai qu'agora hai un vuelu directu a Dublin dende Santander pa dir por Eire y si cayeis por Connemara teneis un chigrin que prebar pa cenar.

Casa Fermin (Uvieu)

Ya toi equi de nuevo. Güei toca un clasicu d'Uvieu. D'entra date que pensar qu'un restaurante asina te onde ta, metiu pa dientro d'un portal, n'un baxu escuru, queda raro. Dempues entres y consiguen minimizar l'asuntu teniendo les meses nel patiu interior del edificiu, lo que yos permite tener lluz. La decoracion ye ente vieya y moderna, explicome, meses, silles mas modrnes, usu de metacrilatos pa nun dar sensacion d'agobiu, anque amestao coles paredes puestes de gres mas tradicional, pero l'amestu nun queda mal, un poco frio, ideal pa falar de negocios (nun hai na que te distraiga, nun hai follon nel comedro...pues tar centrau no que tas), nun tanto pa dir cola parexa (ye la mio opinion).D'aperitivu la casa una cremina de zanahoria con güeves de muil, a mi la zanahoria nun me da mas, pero taba llograo, sele de tastu, nun-y alcontre muncha gracia al amestu coles güeves, pero como a mi me gusten taba too rico. D'entamu pidimos xamon ibericu pa compartir, nun taba mal, pero ya los xintamos meyores, la racion piquiñuca pal preciu (22 ensin iva). Siguimos con unes anchoes del cantabricu en salsa d'afuega'l pitu, mui riques y'l afuega'l pitu daba-y'l contrapuntu al salao de les anchoes. De segundu tireme pol pixin, munchu tiempu ensin prebalu y apeteciome. Rico de tastu con una salsina prestosa que nun-y quitaba'l tastu a mar, que pa mi tienen que tener los pexes, mas bien lu potenciaba, y con esparragos trigueros. El pixin, eso si, quedo-yos mas gomosu de lo que ya ye el, pero taba bono. Como habia carne na mesa, pero los pescaos aguantaben bien el tiron (habia bonitin perhi) dimos-y al Artadi Viñas de Gain 2005 (mira, equi ye'l segundu sitiu n'Asturies nel que lu veo'n carta). O sea, sitiu de preapraciones cencielles con un toque modernin (nun munchu) riques, pero nel que les raciones son piquiñuques con un preciu elevau, vamos, que la calida/preciu nun ye na bona (creo que menos de 55-60 por cabeza nun salio) lo cual echate pa tras a la hora de dir por "tu cuenta". Saludinos, el siguienti un foriatu que nun se como se m'escaecio bilordialu primero.

La Zapica (La Villa-Villaviciosa)

Bones nueches, ya toi equi otra vegada dispuestu a añadiros chigres a la llista. L'otru dia, aprovechando el bon tiempu y les fiestes del Portal, baxamos a la Villa a dar una vuelta y, anque nun teniemos previsto xintar perhi, pues mira, fizosenos tardi y apetecionos echa-y una güeyadina a esti chigre (aconseyau por varios blogueros) y del que sabiemos que tenia sitiu al aire llibre. Pues menos mal que lu tenia, por dientro ta mui guapo puestu, con poques mesines, piedrina, maera y bon gusutu, pero tan enlleno fumu (y esto quedais avisaos los que teneis neños), asina que col solin que facia que meyor que quedar fuera onde se taba perbien debaxo les sombrilles. Pa entamar pidimos la ensalada "de la fia" (semeya 1) que tenia gules, gambes, llechuga, palos de cangrexu y tomates cherry. Mui rica, el palu de cangrexu de los de primera y l'ayu y l'aceite de pasar les gules pola sarten daba-y un toque mui guapu. El pero fueron les gambes, que mas bien yeren de tamañu "plancton". De segundu pidimos los güevos rotos, otra vegada con gules y gambes, que quereis teniemos antoxu (semeya 2, el biberon nun lu punxo'l chigre). Taba abondo bono, pero pa mi que mos confundimos, les gambes otra vegada de tamañu plancton y al platu sobraben-y pataques en relacion al restu ingrdientes. El casu, eso si, que de tamañu les dos raciones suficientes pa quedar comidos. Mui sorprendente el preciu pa ser La Villa, 17 € persona, teniendo en cuenta que teniemos una botellina de vino, pero claro, tambien impresionante de preciu, Abadia San Campio 2007...12 €!! en un chigre. Yo esti alcontrelu a 17 e incluso 21, pero 12..Mui bien. Vamos, que con unes cañes saldries a 12-13 € persona. En definitiva, un chigre ensin pretensiones pa xintar algo pela Villa sin muncha formalida, bona recomendacion a la que tendremos de volver pa camudar los güevos pol pitu, que creo que ta meyor. Otru dia mas!!

Casa Colo (Cecea-Nava)

Esti chigre tenialu pendiente dende'l fin de selmana pasau. Con el camudamos el rexistru de les xintaes del fin de selmana. Nun tien na que ver con dengunu de los otros dos (nin col Son, nin col Noceu). Casa Colo ye un clasicu de les fartures y perconociu pela zona y "mas alla". Vamos, los fartones, fartones taran encantaos con el, raciones de paisanu y precios mui baratos con una estupenda calida na comida sofitada nos guisos de carne de tola vida (pitu, tucu...). Sinceramente ye un BBB, mui adecuau pa les xintaes de Ñavida de tolos años. Nosotros, col dia de calor que fizo'l domingu pasau, xintamos fuera a la solombra d'un plaganu pergrandi que tienen nel patiu, por dientro ta puestu en plan chigre arreglau (con tables de contrachapau de maera que xuben en vertical poles paredes, d'eses de tola vida) pero paez afayaizu de sobra pa lu que lu queremos, nosotros enseguida nos afayamos fuera. Lo tipicu d'equi ye'l filete de quesu, vamos, un cachopu ensin xamon, nun lu pedimos porque a mi nun me dan mas, pero toi viendo a Migue y Fran con un d'ellos na boca, que quereis que vos diga. De primeru ensalada mista, una racion contundente d'una ensalada mista colos ingredientes de siempre (na especial), eso si a destacar que'l tomatin, la llechuguina y la cebolla yeren caseros. De segundu decidimosnos por media de pitu caleya y un tucu enteru (les semeyes). Ya vos digo, equi nun vais pasar fame (esto va pol bilordiador d'Antonio Lopez ;-) ). El pitu de caleya como tien que ser, nun de los de mentira, prietu, prietu y perbien cocinau porque taba tienru y sele. Del tucu pue dicir lo mesmo. Buf! toi alcordandome de les pataquines frites de les de verda (que nun yeren caxelaes, vamos) moyadines na salsina los guisos y ta entrandome una fame que nun se que voi cenar güei, pal nuestru gustu, taba'l tucu meyor que'l pitu. En resumen, guisos tradicionales pa venir colos amigos a disfrutar d'una fartura. Pa beber sidre Foncueva, del nuesu pueblin adoptivu. cafes, ensin postres (ya lo se Carlitros, ya lo se ye lo unico que nun te gusta del blogue, que nunca llego a los postres!!), 14,25€ persona, quien da mas? ;-)

Al Son del Indianu (Maeza-Salas)

Gran fin de selmana gastronomicu, si que acertamos nestes dos salides, si señor y güei queda la tercera. Como a daque otros sitios, tenia-y ganes al Son, pero nes midies asturianes de llonxitu, digamos qu'esti ta a "la de Dios" de casa, asina que yera complicao dir, pero dieronse les coses y pudimos disfrutalu. Situau n'un caseron, perguapu arreglau, pintadin n'un color tirando a colorao, pero d'estos relaxantes (ya sabeis que yo colos colores distingo los 16 basicos, si lleguen, que distinguimos los homes y poco mas), asina que fiaivos de mi, guapo. Si teneis neños, hai sitiu de non fumadores. L'atencion prestosa y ameniza pol dueñu, col que presta falar y deprender cosiquines. D'entamu escoyimos les clasiques crocretes de quesu cabra y ortiga lliquida del restaurante (semeya un). Mui riques, pa mi sorpresives. El rebozu finu, y l'amestu ente'l quesu cabra, la ortiga lliquida y moyandoles na reduccion de remolacha daben-yos el toque perfectu. Taben tan bones que toi pensando en nun segar les ortigues del mio prau si don Paulino m'almite como becariu y m'aprende a facer esto. De segundu pa compartir soyu real n'escabeche, paez ser qu'esti pexe extinguiose nel riu Nalon, alla polos 50, y qu'agora tan intentando reintroducilos de nuevu. Esti nun yera del Nalon, nin del Mar Caspiu, yera del Valle d'Aran (nin idega que los criaben, por eso lu pidimos tamien). Mui, mui rico, l'escabechin mui llograu, con un aceitin perbono y'l soyu real sele y facil de dixebrar del pelleyu (semeya dos). De segundos yo tireme'l al sollombu de güe a la pimienta, perbien fechu, a mi que me presta la carne vuelta y vuelta consiguieron facemelo asina de forma estupenda y dexalu tienru, cola compaña d'unes pataquines mui orixinales pochaes con ayu y cebolla en taquinos piquiñinos. Si lleguen llevar un pucuñin de güevu sedrien casi como les del tortu del Noceu. La salsina de pimienta verde nel so puntu de tastiu, mui sele y ensin matar el tastiu de la carne. Pel otru llau de la mesa escoyeron salmon xabaz d'Alaska (a esti nun-y dio tiempu de remontar el Piloña) al curry. Dixenme que mui rico, anque teo de dicir, sinon esto fina'n divorciu :-), que'l curry (que nun prebe) taba tan rico que chabase'n falta mas cantida nel platu. De postre, chocolate blanco con cholate prieto, con chocolate con llechi sobre cremina de frambueses. Hala!! esti fin de selmana garre dos kg polo menos!. Impresionante hasta pa mi el postre. Nun prebamos el tiramisu de la casa, por culpa mia. Abadia Retuerta de compaña, don PX pa mi (enantes prebe un vino de xelo, pero nun me dio mas y torne pal Pedrin) cafes y un preciu mui guapu pa la cantida y lo rico de la xinta, 50 € por cabeza. Si tais perqui, nun duldeis en face-yos la visitina

El Noceu (La Cuesta-Sariegu)

Noticia:!!!Pena!! El Noceu tranca. Paez que falten les llicencies de chigre pa poder abrir, dende esti blogue quiero desea-yos a Juanjo y Cris lo meyor pa atopar un nuevu sitiu nel qu'abrir un chigre!! mentantu podeis lleer los dos posts!!

Nun suelo repetir los post, la verda que ye la primer vegada que lo faigo. Normalmente, cuando vuelves a un sitiu que te presta vuelves cola zuna de xintar, nun se si lo mesmo, pero polo menos, delles coses paecies, pero como nel Noceu camuden de menu los fines de selmana, resulta que nun xintamos nin paecio a lo que xintaremos la primera vegada y'l resultau nun pudo ser meyor, colo que tenia que postealos de nuevu, pero equi lo dexo :-). Pa entamar dieronnos d'aperitivu unes pataquines frites en forma cilindru con ali-oli que taben perprestoses. L'entamu la comida ficimoslu con una ensaladina de pimientos con llechuguina, salsa de tomate y cebolla confitada a la que-y consiguiron un puntin dulce mui rico (y la llechuga como siempre de rica). De siguiente tocaronos tortos de maiz, un con tortiella "desfecha", podiemos llamalo revueltu de pataquines y cebolla, pero con mui poco güevu, y l'otru de cremoso de bacallau. Los tortos perfectos de testura y tastiu y la tortiella impresionante (semeya un). Siguimos con un guisu marineru (semeya dos, casi nun ma'lcuerdu de sacala y ya entamara a xintar el de bacallau, jeje) pataquines cocies, un par de gambines, mexillones frescos y un chipironin, perbono y mui lograo, vamos, daben ganes de mete-y'l pan pa moyar el guisu, pero entre'n razon y sigui cola cuchar :-). Ya fartos del too llegaron los papos de gochu astur-celta con una salsina de tomate por riba y una camina de calabacinos frescos que taben pa rellambese (semeya tres). El postre, yo ya taba dau, pero bono la mio güela non y un nun pue quedar mal cola familia, asina que fice un esfuerzu mas y entrome la tarta d'arroz con llechi y xelau de sandia y a mi gustome y tien meritu porque a mi los postres nun me dan mas, claro, qu'a lo meyor un mui llambion y-encuentra una falta de dulzor. Finamos con los chupitinos de d'anis en guinda y esta vegada nun pueo poner nin el perin de la sidre, como sabien que yeramos nosotros punxieronos sidre un poco mas fecha y esta si, esta ya tastiaba como a mi me presta, mui rica. La otra ye mas xoven y paez que tien mas salida, pero a mi prestame mas esti palu, munches gracies pol detalle. Cafetinos de pota y'l preciu pues esi, 25€ cabeza. Ya dixe que volveria. Por ciertu, pa que lo sepais, nun hai vino, solo sidre, entovia nun llegaron a producri vino ecoloxico, too s'andara!. Agora voi con otru, que esti fin de selmana tuvimos solos y pudimos dir agustu pelos sitios, esto va tardar en repetise :-)

Casa Conrado (Uvieu)

Hola, ya toi equi de nuevo, finaronse les vacaciones, acabose'l folgar y entamen les xintaes profesionales (d'ehi la falta de semeyes) que, por ciertu, nun teo tantes, solo de vegada en vegada, mal pensaos que sois. Esta vegada toca Casa Conrado, un miticu de la hosteleria uvieina, vamos, un clasicu y pa dase cuenta nun hai mas qu'entrar pela puerta. La decoracion nun ye de les mies, demasio clasica, recargada, en fin, de los años 60. Los camareros van "empingüinaos" y tamien son clasicos (vamos dellos son xovenes, pero equi hai dinosaurios, vos lo digo'n serio). Otru detalle de que quedaron nos 60 ye'l aperitivu de la casa, nun se, pero un sitiu como esti nun te pue poner nel centru la mesa unos biscotes de "philadelphia" con dalgo colorao enriba (probablemente mermelada), o se da bien o nun se da, esto n'un chigre ye aceptable, camentable y prestoso, pero equi, nun pega. Yo solo faigo estes critiques con esti tipu de restaurantes, ya sabeis, pero lo que nun pue dicir ye que xintare mal. D'entamu, pa compartir, anchoes de la casa con salmorejo, perbones, col puntu sal xustu, con un tastiu sele y perricu. Del pulpu, que tamien cayo pa compartir, pue dicir que se dexaba xintar, pero que taba un pucuñin duru, meyorable. Preparacion de tola vida, con pimenton y pataques cocies, nun pidais pulpu, hai chigres onde te lu preparen meyor y de xuru qu'equi tienen coses meyores, pero ye que lui camento'l camareru y ya sabeis como son eses coses. Nos segundos el nivel volvio al de les anchoes, polo menos lo mio. Como entovia queden unos dies de costera hai qu'aprovechalo, asina que troncu bonitu con pisto. Tradicional, mui tradicional la preparacion, pero con muncha mano, ye dificil qu'un troncu quede xugosin y esti quedo, ya que lu dexaron tirando a crudu por dientro, pa mi perfectu, muncha xente de xuru que lu manda a los toriles pa que-y lu pasen un poco mas. Yo esperaba mas amestu col pistu, pero'l pistu taba n'un llau del platu, digamos que'l bonitu per un llau y'l pisto a la so bola, pero lo importante ye que taba bono. De compaña Emilio Moro Crianza 2005 (esti Emilio, siempre tan ambale y educau ne mesa!). La cuenta, nin idega, nun paso por mi, pero baratu'l sitiu nun ye, caro tampoco me parecio (bonitu 19€, Emilio Moro 24€, lo normal a esti nivel). En fin, dir cola parexina pa mi non (agora pa gustos hai colores y edades tamien), pero pa eventos d'estos ye, como diz Rubenin, xugar a la italiana, si nun ganes, empates y siempre vas pa casa con un bon resultau. Hala, otru dia mas, besinos pa toos/toes

El Noceu (La Cuesta-Sariegu)

Noticia:!!!Pena!! El Noceu tranca. Paez que falten les llicencies de chigre pa poder abrir, dende esti blogue quiero desea-yos a Juanjo y Cris lo meyor pa atopar un nuevu sitiu nel qu'abrir un chigre!! mentantu podeis lleer los dos posts!!

Bonos dies collacios!! como lo llevais. Güei voi blogar un nuevu descubrimientu nel conceyin. Nun podia ser qu'un sareganu d'adopcion como yo nun supiera d'un sitiu onde comer al pie de casa, pero la verda, ye que nun lo sabia, eso si, entamaron na mas que fai dos meses, asina que nun ye pa tanto'l fallu. El Noceu ye una granxa ecoloxico que conociemos de mercar, de vegada en vegada, los productos qu'alcontrabemos perhi (anque nunca tuvieremos na facienda). El casu ye, qu'asociaronse con un par de chavalinos pa entamar con un chigre qu'aprovechara los productos frescos de la granxa pa facer una cocina perprestosa. Pa entamar, la finca ta n'una parte de la Cuesta na que tienes bones vistes sobre'l valle Sariegu, ye tranquilo (como too perqui) y, si'l tiempu lo permite, tien mesines fuera, prau, tobogan y culumpios, asina qu'otra escusa menos pa los que teneis guah.es pa venir a venos. El casu, que col dia de calor d'ayeri, afayamonos perfectamente fuera cola sombrilla y un par de botellines de produccion propia (nun entrugue si tenien vino, porque ayeri prestaba mas da-y a la sidre), que fue'l "perin" del sitiu, la sidre, tando bona como tola sidre de Sariegu, tenia un tastiu a "verdin" que-y facia fallar, na, un pucuñin, taba munchu mas cerca de se perbona, que de ser puxarra. Menu degustacion (tamien pue encargase arroz con pitu caleya, delles coses de gochu astur-celta...), nosotros nun encargaremos na, asina que xintamos el menu. 4 platos nos qu'entames por una ensala (semeya 1) con llechuga casero (dende les del mio güelu nun me prestaben tanto unes llechugues), un poco de tomatin, calabacinos cortaos perfinos y coles cebolles y zanahories en tempura (de que los productos son naturales y frescos nun cabe dulda). De segundu, una lasaña de verdures, con calabacinos, salsina de tomatin, zanahories endolcando un quesu fundio, mui rico. Dempues vinieron les dos coses que mas me prestaron, de terceru (semeya 2) tomate acaramelizao enllenu de rollu bonitu (rico, rico) y de cuartu (semeya 3) cruxiente enllenu de costielles troceaes de gochu astur-celta con salsa de pimientinos(hummmm). Esto del gochu astur-celta entama a ser como la oveya xalda, un descubrimientu culinario n'Asturies. De postre, dos trocinos de mouse de chocolate con mangu enriba d'una capa de fresa y yoghur, nun yera perllambion, asina que prestome. Dos cafetinos de pucheru, un chupitin d'anis en guinda de fabricacion propia (mui rico), pan (habia pan casero de maiz tamien), un sitiu estupendo, ensin prieses, con musiquina folk de fondu selemente puesta, nel que pues facer sobremesa ensin que nun solo nun t'echen sinon tolo contrario, con una atencion de casa, con una cocina moderna (ensin ser d'autor pero mas que prestosa y que n'un conceyu como esti, sorprende), con unes raciones xustes pa qu'al xintar cuatro platos mas postre fines fartucu, pero ensin españar y perafayaizu, por 25€ persona...vamos repetir :-), munches vegaes. Por ciertu, solo abren vienres, sabados y domingos, lo xusto pa cuando vengais a prebar la barbacoa que ya tamos finando de construir en casa jeje. Ta llueu.

Cafeteria Hosteria de Torazu (Torazu-Cabranes)

Nun ye que repita sitiu nel blogue, ye que nel caberu bilordiu que fice pa Casa Cortina, alcordeme de les cartes diferenciades y ye que, una manera de disfrutar de la Hosteria de Torazu con un preciu mas de chigre que non de "ocasion especial" ye esta. A nosostros prestanos porque'l restaurante solo tien meses fuera en branu (amas de que nun siempre tas pa "restaurante") y esta opcion ye mas economico. Tien varies ventaxes, pa entamar esto si ye una terraza con vistes (esti valle ye perguapu como veis na semeya tres) y dempues, que'l cocineru y l'atencion son les mesmes que nel restaurante (ta too xunto) polo que pues disfrutar d'ellos a preciu "chigre". La carta ye mui curtia y de tolo qu'hai yo aconseyo, la ensala mista (perbona), los tortos con fua y ibericu (semeya un) y les alcachofes con xamon (semeya dos) . La ensala ta perbien presentada (otra ventaxa de compartir sitiu) y trae munches cosines, nun ye la tipica con bonitu y un esparragu, ya m'entendeis. Los tortos son una racion de 4 tamañu mediu (tipo Molin de Mingu) y tanto los tortos, como'l fua y'l ibericu tan pa rellambese. Destaca que tienen una salsa con reduccion de miel que ta perbona regando un poco'l platu. Les alcachofes (nun son naturales, eso non) tan perbien preparaes col xamon y la salsina con ayu. Les raciones son abondo grandes y quedes bien fartuquin. Esto y 4 copines de Martin Codax de chateo salvos por 18-19 € persona (el preciu camuda abondo comparau col restaurante) y disfrutar d'estes vistes ye un placer. Por ciertu, nun se si lo dixe la vegada que bilordie la Hosteria, pero por si acasu, los neños tienen onde esparder (culumpios, toboganes y prau asgaya). Hala!! bones nuechis.

Casa Cortina-Rest Amandi (Amandi-Villaviciosa)

Que tal collacios?. Bono, otra vegada ente nos pa falar d'otru chigre. Ya sabeis que tando'n branu lo que mas presta ye xintar al aire llibre, polo menos a nosostros cuestanos metenos n'un chigre si ta bono'l tiempu, paez que too sabe meyor. N'esti casu vamos falar d'otru llagar, al pie de casa, solo tenemos que baxar La Campa y poco mas, qu'apuntose a eso de "diversificar el negociu". Vamos, el llagar Cortina fizo dos coses, una sidreria y un BBC. Nesti casu teniemos ganes de prebar como yera'l tema de amestar BBC con sidreria, nun fuera'l casu. Pues vamos dicir que na mal, por eso lo blogo. Pa entamar, tenemos que pa los neños ta perbien porque na parte de tras teneis culumpios y estes coses, la nuesa que ye un revolvin (madre mio en caminando!!) entovia nun llega a estes coses, pero yo dexolo cayer. Del BBC nun falo que nun lo conozco y la sidreria, na mas que pa entrar y entrugar si habia sitiu fuera. Pues fuera hai 6 mesines tipiques de sidreria y bancu corriu y sombrilles. Pa beber sidre Cortina (que otra cosa podria ser) y, viendo pasar calamares frescos y ensalaes, pa mi que nun escoyimos de los meyor, pero prestonos. De primeru setes con xamon "ibericu" per riba (tenia d'Ibericu lo que yo d'aleman), riques, a la plancha, nel puntu de sal col xamon serrano per riba (un pelin salao el xamon, pero pa ser serranu taba perbien. Semeya), de segundu costielles de gochu (tienen parrilla tamien!!), costielles grandes, carnosones y riques, en poniendote la racion paecen poques (media docenuca), pero quedes fartu porque tienen un monton que comer. Les raciones, la verda, qu'a la fin son grandes abondo. Por lo que vi, tando rico lo que xintamos, pa mi que nun escoyimos bien del too, habra de volver pa ver si esos calamares frescos tan como paecen. De momentu, una sitiu bono pa disfrutar d'un dia que pue tar ente soleyeru y "vaya ñubes que vienen perhi". Por ciertu, lo que xintamos, dos botelles de sidre y dos cafes con xelu unos 14€ persona, na mal.

Olde Hansa (Tallin-Estoña)

Que tal collacios!!. Como voi tar fuera unos dies ensin disfrutar de los chigres asturianos, pues decidime a aumentar los foriatos. Nun se como nun escribiera yo d'esti, porque creo que a toos vos fale de la esperiencia fartucona, pero mira que nun ponelu, nun teo perdon. L'Olde Hansa ye un restaurante medieval nel centru de
Tallin, vamos, como dir a los esconxuraos de Llanera pero en casa'l demonio de lloñe y dientro un chigre. Al casu, el chigre pue paecer de turistes, vamos, reconozcolo, debe selo porque la mayoria de los estoños entovia nun salen munchu a cenar, pero tase perbien. Escucaramoslu, por si yera mui guiri, tomando una cervecina a la tardi y decidimos venir de nuechi. El chigre ta perbien puestu, tou con un aire medieval cola peña vestia del añu del rei Carolo, que presta un monton. Les meses de maera y los vasos y platos, pues lo mesmo. Too pergapu, pero los güeyos tarden un tiempu'n ver, porque col tema medieval nun hai mas lluz que la de les veles de les meses. El sitiu guapu, toi repitiendome, y les raciones grandes asgaya. La experiencia ye la siguiente, na carta habia osu pa comer y equi, nin anque'l Furacu se ponga les piles y Paca y Tola tean esbardos asgaya, vamos comelo nunca. Asina qu'osu pa dientru. La racion grande y'l osu perbien preparau, xugosin y nel so puntu de cocina (semeya). L'osu ye como una carne de caza, asemeyao (por asemeyalo) al gochu xabaz pero con un puntu mas fuerte de tastu. El problema, ye que la comida d'estos sitios lleva unes salses nes que nosotros nun tamos avezaos y claro...nun ye que te mal cocinao, ye que'l tastu ye tan diferente que cuesta, con decivos, que'l caberu dia n'Estoña fuimos a cenar a un italianu porque yera lo mas paecio al "sur", cosa que dempues d'unos dies nel "norte" eches de menos. Nel casu l'osu la salsa yera d'estes agri-dulces fecha con frutos del bosque (frambueses, arandanos...) supongo que pa "matar" un poco'l tastu de carnona de caza, pero si mio güela pilla esta carne preparala d'otra manera de xuru. Cervecina del pais, un vasin de vino (esto ye tamien complica d'alcontrar a un preciu razonable), nun lleguemos a los 40€ persona, teniendo'n cuenta que l'osu yeren unos 42€ y que tas nel centru de la capital d'un pais, nun fue baratu, pero bien. yo con esto ya teo de contar a los ñetos :-)

La Maquina (Llugones-Siero)

Milenta años ensin venir por esti miticu chigre de Llugones y tuve que dir n'un dia nel que los paxaros cayien de los arboles pol calor, en fin, cuando toca, toca, pero claro, con esti calor y la fabada teo una fartura que nun se cuando alicare :-). Bono, a lo que vamos, el chigre tornose mas a restaurante dando-y un toque mas afayaizu. Lo que ta claro ye que ye sota-caballu-rei, vamos, qu'equi un vien a lo que vien, que ye a xintar fabada y arroz con llechi, asina, que a eso vamos. Raciones de paisanu, lo que veis na semeya ye la fabada pa 5. Bien presentada (pa ser fabada), col companguin a la vera. La verda, ya que tando bona y aconseyable, yo cola fabada toi mal avezau cola de mio güela, pero si comparo con otros chigres hai un par d'ellos que nun desmerecen la fabada d'equi (y supongo que mas baratos, nun se, que nun vi la cuenta), el Fondin y la Rula de Santolaya. L'arroz con llechi taba perbono (yo al nun ser llambion prestame que nun te mui dulce) pero taba demasio compactu, prefierolo un poco mas sueltu. En cualisquier casu, si vais, vais quedar bien, anque de la relacion calida / preciu nun pueo falar. Sorprende, eso si, un sitiu nel que hai fabada y...fabada, ye la pedazo de carta de vinos que tienen, con entrades que sorprenden (pa un sitiu asina). Nosotros de compaña un Balbas crianza. Hala fartucones, ya teneis otru que poner na llista!!